Edhekiɛl 40:47 - JAM DE NHIALIC 2011

⁴⁷ Go raan biäk thïn de kal them, go yök ke ye mitïïr kathiërdhïc në aguuk kaŋuan ëbɛ̈n. Luaŋdït aa tɔ̈u në biäk të lɔ athɛ̈i, ku në yenɔm tueŋ ade yïk.

Edhekiɛl 40:47 ပူးပေါင်းရင်းမြစ်များ

Bɛ̈n 40:29

Ku tɛ̈ɛ̈u yïïŋ de nyum ë käŋ në gëlgël de paany de mät nɔm tueŋ. Ku gɛm miɔ̈c ye nyop në yenɔm, ayï miɔ̈c ë rap cït man cïï Bɛ̈nydït e lɛ̈k en.

Edhekiɛl 40:19

Aade kal thoŋ në biäk thöny ee lɔ në kal yic thïn. Go raan kaam de kɛ̈l thook kaarou them, go lɔ yök ke ye mitïïr kathiërdhïc.

Edhekiɛl 40:23

Në kal baŋ tui në kal thoŋ të lɔ rut, ade kal thoŋ däŋ ee lɔ në kal yic thïn, cït man de kë tɔ̈u të lɔ biäk lɔ aköl amiäk. Go raan kaam de kɛ̈l thook them, go yök ke ye mitïïr kathiërdhïc.

Edhekiɛl 40:27

Tënë aya ade thoŋ lɔ në kal yic thïn. Go raan kaam thoŋ ë rou them, go yök ke ye mitïïr kathiërdhïc.

Edhekiɛl 41:13

Go raan biäk biic de Luaŋdït them, go bɛ̈ɛ̈rde yök ke ye mitïïr kathiërdhïc. Ku në ye kɔ̈u ciëën të ɣɔ̈ɔ̈r nu të mec tɔ̈u të lɔ aköl athɛ̈i, kaamde ee mitïïr kathiërdhïc aya.