Edhekiɛl 40:44 - JAM DE NHIALIC 2011

⁴⁴ Na wën ke bïï yɛn ë kal yic biäk thïn. Aade ɣööt kaarou wel kethook ë kalic ëtɛ̈ɛ̈n, tök awel yethok wöuwic tëthiääk ke thoŋ të lɔ rut, ku däŋë awel yethok të lɔ rut tëthiääk ke thoŋ lɔ wöuwic.

Edhekiɛl 40:44 ပူးပေါင်းရင်းမြစ်များ

Edhekiɛl 40:10

(Ku ade ɣööt ke kɔc ee tïït nu biäk lɔ aköl amiäk në kueer këc, në biäk kedhie akïtkï yiic kedhie, ku dhïl de päny nu në kɛmkɛn akït aya.)

Edhekiɛl 40:17

Go raan ɛn jɔt tëëk ɛn në kal thok leer ɛn në kal yic. Aade ɣööt kathiërdiäk cï ke yiëk ë päny kɔ̈u biic, ku në kenïïm tueŋ ade të thiin cï yiu në kur,

Edhekiɛl 40:23

Në kal baŋ tui në kal thoŋ të lɔ rut, ade kal thoŋ däŋ ee lɔ në kal yic thïn, cït man de kë tɔ̈u të lɔ biäk lɔ aköl amiäk. Go raan kaam de kɛ̈l thook them, go yök ke ye mitïïr kathiërdhïc.

Edhekiɛl 40:27

Tënë aya ade thoŋ lɔ në kal yic thïn. Go raan kaam thoŋ ë rou them, go yök ke ye mitïïr kathiërdhïc.

Edhekiɛl 40:29

Ku ɣöötkɛn ke kɔc ee tïït, ku kuɛɛr lɔ ɣöt, ku pɛ̈ɛ̈ny tɔ̈u në biäk thïn aake kït në thook kɔ̈kkë. Aake ye bɛ̈ɛ̈r de kekɔ̈ɔ̈th mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:38

Në kal baŋ biic, ade gɔ̈ɔ̈l cï nuat ë kal thoŋ biäk thïn të lɔ rut. Ee rɔt liɛp ɣön wel yethok kal yic, ku ayek wai ke läi bï gam ke ke ye miɔ̈c ye nyop ëbɛ̈n waak ëtɛ̈ɛ̈n.

Edhekiɛl 40:43

Kake muk ye dïtden milimitïïr kathiërdhorou ku dhïc, aake kuɛɛr kɔ̈ɔ̈th në pɛɛm thook ëbɛ̈n. Rïŋ ëbɛ̈n rïŋ bïï gam ke ye miɔ̈c aaye tääu në pɛɛm nïïm.

Edhekiɛl 40:7

Ku ade kueer në yekɔ̈u ciëën, kueer de yic ɣööt kadiäk de kɔc ee tïït, biäkë ku biäkë. Ɣön tök në keyiic aaye yic arɔm, mitïïr kadiäk biäkë ku biäkë, ku päny nu ë kɛmken yiic aaye dhïlde mitïïr kaarou ku biäkde. Ku në ɣööt ke kɔc ee tïït kɔ̈ɔ̈th ciëën ade kueer ye bɛ̈ɛ̈rde mitïïr kadiäk, kueer ee lɔ ë ɣön tuööm nɔm ke Luaŋdït.

Epethiei 5:19

Yak jam wapäc në diɛt ku diɛt kɔ̈k ke Nhialic ku diɛt ke ka ke Wëi, yak diɛt ket ku yak Nhialic piɔɔny ë wepiɔ̈ɔ̈th.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.