Edhekiɛl 40:36 - JAM DE NHIALIC 2011

³⁶ Acït keek aya, ade yic ɣööt ke kɔc ee tïït, pɛ̈ɛ̈ny cï giɛt kɔ̈ɔ̈th në biäk thïn, ku awëër nyïïn cï ye gɛɛu cil ëbɛ̈n. Bɛ̈ɛ̈rde ëbɛ̈n aaye mitïïr kathiërrou ku diäk, ku ye dïtde yenyic mitïïr kathiëër ku rou ku biäk.

Edhekiɛl 40:36 ပူးပေါင်းရင်းမြစ်များ

1 Mel 7:4

Biäk töŋ de päny ade abeer ke awëërnyïïn kadiäk ke ke tuööm nïïm.

Edhekiɛl 40:16

Aade të ɣɔ̈ɔ̈r ë tɔ̈u në pɛ̈ɛ̈ny ke ɣööt kɔ̈ɔ̈th biic kedhie, ku në kɛm ke pɛ̈ɛ̈ny ke ɣööt yiic thïn aya. Aade tiim ke akööt cï ke guaŋ ë pɛ̈ɛ̈ny yiic ë biäk thïn, ke ke wel röt kueer.

Edhekiɛl 40:21

Ɣööt kadiäk ke kɔc ee tïït nu në kueer këc, ku pɛ̈ɛ̈ny nu në kaamden, ku kueer ee lɔ ɣöt, keek kedhie thëmden akït, acïtkï ka kɔ̈k tɔ̈u në kal thoŋ të lɔ amiäk. Bɛ̈ɛ̈r de kal thok ëbɛ̈n aaye mitïïr kathiërrou ku diäk, ku ye dïtde mitïïr kathiëër ku rou ku biäk.

Edhekiɛl 40:29

Ku ɣöötkɛn ke kɔc ee tïït, ku kuɛɛr lɔ ɣöt, ku pɛ̈ɛ̈ny tɔ̈u në biäk thïn aake kït në thook kɔ̈kkë. Aake ye bɛ̈ɛ̈r de kekɔ̈ɔ̈th mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:7

Ku ade kueer në yekɔ̈u ciëën, kueer de yic ɣööt kadiäk de kɔc ee tïït, biäkë ku biäkë. Ɣön tök në keyiic aaye yic arɔm, mitïïr kadiäk biäkë ku biäkë, ku päny nu ë kɛmken yiic aaye dhïlde mitïïr kaarou ku biäkde. Ku në ɣööt ke kɔc ee tïït kɔ̈ɔ̈th ciëën ade kueer ye bɛ̈ɛ̈rde mitïïr kadiäk, kueer ee lɔ ë ɣön tuööm nɔm ke Luaŋdït.