Edhekiɛl 40:29 - JAM DE NHIALIC 2011

²⁹ Ku ɣöötkɛn ke kɔc ee tïït, ku kuɛɛr lɔ ɣöt, ku pɛ̈ɛ̈ny tɔ̈u në biäk thïn aake kït në thook kɔ̈kkë. Aake ye bɛ̈ɛ̈r de kekɔ̈ɔ̈th mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:29 ပူးပေါင်းရင်းမြစ်များ

1 Mel 7:4

Biäk töŋ de päny ade abeer ke awëërnyïïn kadiäk ke ke tuööm nïïm.

2 Lëk 31:11

Go melik Ɣedhekia ɣööt dït tɔ yïk të thiääk kekë pëër ë Luaŋdït, ago kɔc keek looi,

Neɣe 13:5

Ago Tobia päl ɣön dïït ë ye miɔ̈c ë rap, ku wal ŋïr, ku kakë luɔi ë Luaŋdït tɔ̈ɔ̈u thïn, ku miɔ̈c ke bäny ke kake Nhialic, ku miɔ̈c de töŋ ë thiëër ke rap, ku mɔ̈u, ku miök de olip ye gäm Lebai ku kɔc ee ket Luaŋdït ku kɔc ee Luaŋdït tiit thok.

Neɣe 13:9

Ku yɔ̈ɔ̈k kɔc bïk ɣöt bɛ̈n tɔ ɣeric, ku pukkï kake luɔi de ɣön ë Nhialic nïïm ɣöt, yï miɔ̈c ë rap, ku wal ŋïr.

Jeremia 36:10

Ku të wën jɔ kɔc piŋ kedhie, go Baruk kë cä lɛ̈k yen kueen awerekic ëbɛ̈n. Aa loi ee kënë Luaŋdït, ɣön ë Gemaria wën de Capan, raan ee gär. Ɣönde aa tɔ̈u tënhial, tëthiääk ke Kal thoŋ ë Piacë Cak Luaŋdït.

Edhekiɛl 40:10

(Ku ade ɣööt ke kɔc ee tïït nu biäk lɔ aköl amiäk në kueer këc, në biäk kedhie akïtkï yiic kedhie, ku dhïl de päny nu në kɛmkɛn akït aya.)

Edhekiɛl 40:12

Në ɣööt ke kɔc ee tïït nïïm tueŋ, ade päny ciek ye bɛ̈ɛ̈rde ke lɔ nhial thɛntimitïïr kathiërdhïc, ku ye dhïlde thɛntimitïïr kathiërdhïc. (Ɣööt aake ye dït de keyiic mitïïr kadiäk, keek kedhie.)

Edhekiɛl 40:16

Aade të ɣɔ̈ɔ̈r ë tɔ̈u në pɛ̈ɛ̈ny ke ɣööt kɔ̈ɔ̈th biic kedhie, ku në kɛm ke pɛ̈ɛ̈ny ke ɣööt yiic thïn aya. Aade tiim ke akööt cï ke guaŋ ë pɛ̈ɛ̈ny yiic ë biäk thïn, ke ke wel röt kueer.

Edhekiɛl 40:25

Aade awëërnyïïn në ee ɣöötkë yiic aya, cït man de ɣööt kɔ̈kkë. Bɛ̈ɛ̈r de kal thok ëbɛ̈n aaye mitïïr kathiërrou ku diäk, ku ye dïtde mitïïr kathiëër ku rou ku biäk.

Edhekiɛl 40:33

Ɣöötkɛn ke kɔc ee tïït, ku thook ke ɣööt, ku pɛ̈ɛ̈nykɛn nu ë biäk thïn, thëmden akït ke thëm de thook kɔ̈kkë. Aade awëër nyïïn cï ye gɛɛu cil, ku në ɣööt thook thïn aya. Bɛ̈ɛ̈rde ëbɛ̈n aaye mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:36

Acït keek aya, ade yic ɣööt ke kɔc ee tïït, pɛ̈ɛ̈ny cï giɛt kɔ̈ɔ̈th në biäk thïn, ku awëër nyïïn cï ye gɛɛu cil ëbɛ̈n. Bɛ̈ɛ̈rde ëbɛ̈n aaye mitïïr kathiërrou ku diäk, ku ye dïtde yenyic mitïïr kathiëër ku rou ku biäk.

Edhekiɛl 40:7

Ku ade kueer në yekɔ̈u ciëën, kueer de yic ɣööt kadiäk de kɔc ee tïït, biäkë ku biäkë. Ɣön tök në keyiic aaye yic arɔm, mitïïr kadiäk biäkë ku biäkë, ku päny nu ë kɛmken yiic aaye dhïlde mitïïr kaarou ku biäkde. Ku në ɣööt ke kɔc ee tïït kɔ̈ɔ̈th ciëën ade kueer ye bɛ̈ɛ̈rde mitïïr kadiäk, kueer ee lɔ ë ɣön tuööm nɔm ke Luaŋdït.