Edhekiɛl 40:22 - JAM DE NHIALIC 2011

²² Kueer lɔ ɣöt, ku awëër, ku tiim ke akööt cï ke guaŋ ë päny kɔ̈u, akïtkï në ka nu në thoŋ lɔ aköl amiäk. Kuc ke cäth kadhorou ayek kɔc lɛɛr në kal thok nhial, ku kueer lɔ ɣöt awel rɔ ë kal yic.

Edhekiɛl 40:22 ပူးပေါင်းရင်းမြစ်များ

1 Mel 6:29

Pɛ̈ɛ̈ny ke ɣöt yic thïn ëbɛ̈n ku lɔ pɛ̈ɛ̈ny ke ɣöndïït nu thïn, acïï ke cerubiim cï guaŋë giɛɛt ë ke kɔ̈ɔ̈th, ku akööt ku lɔ gɛk cïï wal moc.

1 Mel 6:32

Ku thookë, acïï ke cerubiim giɛɛt ë ke kɔ̈ɔ̈th, ku akööt ku gɛk, ku acï ke kum kɔ̈ɔ̈th në adhääp.

1 Mel 6:35

Ku acïï ke cerubiim giɛɛt ë ke kɔ̈ɔ̈th, ku akööt ku gɛk, ku acï ke kum kɔ̈ɔ̈th në adhääp.

1 Mel 7:36

Thɔ̈t ku thɛ̈k acï ke giët kɔ̈ɔ̈th cerubiim ku kɔ̈ɔ̈r ku tiim ke akööt, ku të cï döŋ ëbɛ̈n aye giët gaak cïï wäl moc.

1 Mel 7:4

Biäk töŋ de päny ade abeer ke awëërnyïïn kadiäk ke ke tuööm nïïm.

2 Lëk 3:5

Ku ɣötic acï rai në tim de ameth ku jɔ goor kɔ̈u në adhäm awai, ku jɔ päny giët kɔ̈u tiim ke akööt ku kë cït kuat.

Edhekiɛl 40:16

Aade të ɣɔ̈ɔ̈r ë tɔ̈u në pɛ̈ɛ̈ny ke ɣööt kɔ̈ɔ̈th biic kedhie, ku në kɛm ke pɛ̈ɛ̈ny ke ɣööt yiic thïn aya. Aade tiim ke akööt cï ke guaŋ ë pɛ̈ɛ̈ny yiic ë biäk thïn, ke ke wel röt kueer.

Edhekiɛl 40:25

Aade awëërnyïïn në ee ɣöötkë yiic aya, cït man de ɣööt kɔ̈kkë. Bɛ̈ɛ̈r de kal thok ëbɛ̈n aaye mitïïr kathiërrou ku diäk, ku ye dïtde mitïïr kathiëër ku rou ku biäk.

Edhekiɛl 40:26

Kuc kadhorou ke cäth ayek lɔ nhial tëde, ku kueer lɔ ɣöt thar ciëën awel yethok në kal yic. Ade tiim ke akööt cï guaŋ ë pɛ̈ɛ̈ny kɔ̈ɔ̈th në biäk thïn atuumkï nïïm në kueer.

Edhekiɛl 40:29

Ku ɣöötkɛn ke kɔc ee tïït, ku kuɛɛr lɔ ɣöt, ku pɛ̈ɛ̈ny tɔ̈u në biäk thïn aake kït në thook kɔ̈kkë. Aake ye bɛ̈ɛ̈r de kekɔ̈ɔ̈th mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:31

Kueer lɔ ɣöt awël yethok ë kalic, ku tiim ke akööt acï ke guaŋ në kal kɔ̈u në kueer këc. Kuc kabɛ̈t ayek kɔc lɛɛr nhial në ee thoŋë.

Edhekiɛl 40:34

Ɣön ee kɔc lɔ thïn awël yethok ë kalic. Tiim ke akööt acï ke guaŋ pɛ̈ɛ̈ny kɔ̈ɔ̈th në biäk thïn në kueer këc. Kuc ke cäth kabɛ̈t ayek lɛɛr nhial në ee thoŋë.

Edhekiɛl 40:37

Ɣön ee tëëk ke lɔ thïn, awel yethok kal biäk biic. Tiim ke akööt acï ke guaŋ ë pɛ̈ɛ̈ny kɔ̈ɔ̈th në kueer këc. Ku ade kuc ke cäth kabɛ̈t ye kɔc lɔ nhial ee thoŋë.

Edhekiɛl 40:49

Kuc ke cäth ayek kɔc lɛɛr nhial, aake ye dïtden mitïïr kathiëër ku thuthden mitïïr kadhetem. Ku aade aber kaarou, tök në thoŋ biäkë ku däŋ në thoŋ biäkë.

Edhekiɛl 40:6

Ëtɛ̈ɛ̈n go lɔ në kal thoŋ wel rɔ të lɔ aköl amiäk. Go lɔ nhial në kuc ke cäth, na wën ke jɔ kal thok lɔ them nhial, go thuthde yök ke ye mitïïr kadiäk.

Ɣeberuu 6:1

Ënɔɔnë dï, jɔku wëët ë gɔl tueŋë në kë de Kërtho nyääŋ piny, ku jɔku lɔ tueŋ në wëët ë kɔc cï gïu, acïn këërkëër däŋ buk nyɔk ë tɛ̈ɛ̈u piny, ee yen aa gɔl ë wëëtda ɣɔn thɛɛr, yï wëët ë puŋëpiɔ̈u në luɔi cï thou ku lɔda në gäm de Nhialic yic.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.