Edhekiɛl 40:16 - JAM DE NHIALIC 2011

¹⁶ Aade të ɣɔ̈ɔ̈r ë tɔ̈u në pɛ̈ɛ̈ny ke ɣööt kɔ̈ɔ̈th biic kedhie, ku në kɛm ke pɛ̈ɛ̈ny ke ɣööt yiic thïn aya. Aade tiim ke akööt cï ke guaŋ ë pɛ̈ɛ̈ny yiic ë biäk thïn, ke ke wel röt kueer.

Edhekiɛl 40:16 ပူးပေါင်းရင်းမြစ်များ

1 Mel 6:29

Pɛ̈ɛ̈ny ke ɣöt yic thïn ëbɛ̈n ku lɔ pɛ̈ɛ̈ny ke ɣöndïït nu thïn, acïï ke cerubiim cï guaŋë giɛɛt ë ke kɔ̈ɔ̈th, ku akööt ku lɔ gɛk cïï wal moc.

1 Mel 6:32

Ku thookë, acïï ke cerubiim giɛɛt ë ke kɔ̈ɔ̈th, ku akööt ku gɛk, ku acï ke kum kɔ̈ɔ̈th në adhääp.

1 Mel 6:35

Ku acïï ke cerubiim giɛɛt ë ke kɔ̈ɔ̈th, ku akööt ku gɛk, ku acï ke kum kɔ̈ɔ̈th në adhääp.

1 Mel 6:4

Ku lui Luaŋdït awëërnyïïn kor ril ëtör ë yekɔ̈u ëbɛ̈n.

1 Mel 7:4

Biäk töŋ de päny ade abeer ke awëërnyïïn kadiäk ke ke tuööm nïïm.

2 Lëk 3:5

Ku ɣötic acï rai në tim de ameth ku jɔ goor kɔ̈u në adhäm awai, ku jɔ päny giët kɔ̈u tiim ke akööt ku kë cït kuat.

Diɛt 92:12

Kɔc piɛthpiɔ̈ɔ̈th abïk luɔk cï tiim ke akööt, abïk cil cï tiim ke thidar de Lebanɔn.

Edhekiɛl 40:12

Në ɣööt ke kɔc ee tïït nïïm tueŋ, ade päny ciek ye bɛ̈ɛ̈rde ke lɔ nhial thɛntimitïïr kathiërdhïc, ku ye dhïlde thɛntimitïïr kathiërdhïc. (Ɣööt aake ye dït de keyiic mitïïr kadiäk, keek kedhie.)

Edhekiɛl 40:15

Bɛ̈ɛ̈r de kal thok ëbɛ̈n gɔl në päny de biäk biic, leer të mec tɔ̈u në ɣön nu ciëën kɔ̈u, aaye mitïïr kathiërrou ku diäk.

Edhekiɛl 40:25

Aade awëërnyïïn në ee ɣöötkë yiic aya, cït man de ɣööt kɔ̈kkë. Bɛ̈ɛ̈r de kal thok ëbɛ̈n aaye mitïïr kathiërrou ku diäk, ku ye dïtde mitïïr kathiëër ku rou ku biäk.

Edhekiɛl 40:26

Kuc kadhorou ke cäth ayek lɔ nhial tëde, ku kueer lɔ ɣöt thar ciëën awel yethok në kal yic. Ade tiim ke akööt cï guaŋ ë pɛ̈ɛ̈ny kɔ̈ɔ̈th në biäk thïn atuumkï nïïm në kueer.

Edhekiɛl 40:29

Ku ɣöötkɛn ke kɔc ee tïït, ku kuɛɛr lɔ ɣöt, ku pɛ̈ɛ̈ny tɔ̈u në biäk thïn aake kït në thook kɔ̈kkë. Aake ye bɛ̈ɛ̈r de kekɔ̈ɔ̈th mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:30

Aade awëërnyïïn nu në ɣööt ke thoŋë. Bɛ̈ɛ̈rde ëbɛ̈n aaye mitïïr kathiërrou ku dhïc, ku ye dïtde mitïïr kathiëër ku rou ku biäk.

Edhekiɛl 40:31

Kueer lɔ ɣöt awël yethok ë kalic, ku tiim ke akööt acï ke guaŋ në kal kɔ̈u në kueer këc. Kuc kabɛ̈t ayek kɔc lɛɛr nhial në ee thoŋë.

Edhekiɛl 40:33

Ɣöötkɛn ke kɔc ee tïït, ku thook ke ɣööt, ku pɛ̈ɛ̈nykɛn nu ë biäk thïn, thëmden akït ke thëm de thook kɔ̈kkë. Aade awëër nyïïn cï ye gɛɛu cil, ku në ɣööt thook thïn aya. Bɛ̈ɛ̈rde ëbɛ̈n aaye mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:34

Ɣön ee kɔc lɔ thïn awël yethok ë kalic. Tiim ke akööt acï ke guaŋ pɛ̈ɛ̈ny kɔ̈ɔ̈th në biäk thïn në kueer këc. Kuc ke cäth kabɛ̈t ayek lɛɛr nhial në ee thoŋë.

Edhekiɛl 40:36

Acït keek aya, ade yic ɣööt ke kɔc ee tïït, pɛ̈ɛ̈ny cï giɛt kɔ̈ɔ̈th në biäk thïn, ku awëër nyïïn cï ye gɛɛu cil ëbɛ̈n. Bɛ̈ɛ̈rde ëbɛ̈n aaye mitïïr kathiërrou ku diäk, ku ye dïtde yenyic mitïïr kathiëër ku rou ku biäk.

Edhekiɛl 40:37

Ɣön ee tëëk ke lɔ thïn, awel yethok kal biäk biic. Tiim ke akööt acï ke guaŋ ë pɛ̈ɛ̈ny kɔ̈ɔ̈th në kueer këc. Ku ade kuc ke cäth kabɛ̈t ye kɔc lɔ nhial ee thoŋë.

Edhekiɛl 40:7

Ku ade kueer në yekɔ̈u ciëën, kueer de yic ɣööt kadiäk de kɔc ee tïït, biäkë ku biäkë. Ɣön tök në keyiic aaye yic arɔm, mitïïr kadiäk biäkë ku biäkë, ku päny nu ë kɛmken yiic aaye dhïlde mitïïr kaarou ku biäkde. Ku në ɣööt ke kɔc ee tïït kɔ̈ɔ̈th ciëën ade kueer ye bɛ̈ɛ̈rde mitïïr kadiäk, kueer ee lɔ ë ɣön tuööm nɔm ke Luaŋdït.

Edhekiɛl 41:18

ke akööt ku cerubiim. Tiim ke akööt cï mat ë läi pïïr, kënë akuany kënë cök, në kueer yic ɣööt yic ëbɛ̈n. Lɛ̈n tök ade nɔm nïïm kaarou:

Edhekiɛl 41:25

Aade tiim ke akööt ku cerubiim cï giɛɛt ë päny kɔ̈u. Ku ade tiim cï giɛɛt në yekɔ̈u në biäk biic de kueer ee tëëk ke lɔ ɣöt.

Edhekiɛl 41:26

Në biäk ee ɣönë ade awëër nyïïn, ku päny acï giɛɛt kɔ̈u në tiim ke akööt.

Edhekiɛl 41:3

Ëtɛ̈ɛ̈n go lɔ nu thïn. Go kueer lɔ thïn them. Go thuthde yök ke ye mitïr tök, ku ye dïtde mitïïr kadiäk, ku lɔ pɛ̈ɛ̈ny ye dhïlden mitïïr kadiäk ku biäk në biäk kedhie.

Edhekiɛl 42:3

Në biäk tök awel yethok të ɣɔ̈ɔ̈r de mitïïr kathiëër tɔ̈u në Luaŋdït lɔ̈ɔ̈m, ku biäk däŋë awel yethok të cï yiu në kal kɔ̈u biic. Acï yïk në aber ee yic diäk, kënë aye yïk ke mec ke däŋ nu në yethar piny.

Jɔn 5:2

Ku ade awuöl nu Jeruthalem awuöl thiääk ke kal thok Kal ë Amɛ̈l, awuöl de göl kadhïc, ku acɔl Bethaida në thoŋ de Ɣeberuu.

1 Kor 13:12

Ku ënɔɔnë, wok ee daai ëmormor, cït man ë raan ë daai acidhathic, ku rial, wo bï aa daai ke wo tuum wonyïïn. Ënɔɔnë yɛn ŋic käŋ ë biäk tei, ku rial yɛn bï käŋ ŋic cït man cï en a ŋic.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.