Edhekiɛl 40:10 - JAM DE NHIALIC 2011

¹⁰ (Ku ade ɣööt ke kɔc ee tïït nu biäk lɔ aköl amiäk në kueer këc, në biäk kedhie akïtkï yiic kedhie, ku dhïl de päny nu në kɛmkɛn akït aya.)

Edhekiɛl 40:10 ပူးပေါင်းရင်းမြစ်များ

Edhekiɛl 40:11

Na wën ke raan ë be dït de kueer yic them. Go yök ke ye mitïïr kadhetem ëbɛ̈n, ku kaam ɣɔ̈ɔ̈r tɔ̈u në kaamden de kal thoŋ liɛp aaye mitïïr kadhïc.

Edhekiɛl 40:21

Ɣööt kadiäk ke kɔc ee tïït nu në kueer këc, ku pɛ̈ɛ̈ny nu në kaamden, ku kueer ee lɔ ɣöt, keek kedhie thëmden akït, acïtkï ka kɔ̈k tɔ̈u në kal thoŋ të lɔ amiäk. Bɛ̈ɛ̈r de kal thok ëbɛ̈n aaye mitïïr kathiërrou ku diäk, ku ye dïtde mitïïr kathiëër ku rou ku biäk.

Edhekiɛl 40:29

Ku ɣöötkɛn ke kɔc ee tïït, ku kuɛɛr lɔ ɣöt, ku pɛ̈ɛ̈ny tɔ̈u në biäk thïn aake kït në thook kɔ̈kkë. Aake ye bɛ̈ɛ̈r de kekɔ̈ɔ̈th mitïïr kathiërrou ku diäk, ku ye dït de kek yiic mitïïr kathiëër ku rou ku biäk.

Edhekiɛl 40:44

Na wën ke bïï yɛn ë kal yic biäk thïn. Aade ɣööt kaarou wel kethook ë kalic ëtɛ̈ɛ̈n, tök awel yethok wöuwic tëthiääk ke thoŋ të lɔ rut, ku däŋë awel yethok të lɔ rut tëthiääk ke thoŋ lɔ wöuwic.

Edhekiɛl 40:7

Ku ade kueer në yekɔ̈u ciëën, kueer de yic ɣööt kadiäk de kɔc ee tïït, biäkë ku biäkë. Ɣön tök në keyiic aaye yic arɔm, mitïïr kadiäk biäkë ku biäkë, ku päny nu ë kɛmken yiic aaye dhïlde mitïïr kaarou ku biäkde. Ku në ɣööt ke kɔc ee tïït kɔ̈ɔ̈th ciëën ade kueer ye bɛ̈ɛ̈rde mitïïr kadiäk, kueer ee lɔ ë ɣön tuööm nɔm ke Luaŋdït.

Edhekiɛl 40:9

Yen aa cak kueer ee lɔ thoŋ thiääk ke Luaŋdït, ku yethar ciëën të lɔ päny dhïlde aaye mitïr tök.