Edhekiɛl 4:17 - JAM DE NHIALIC 2011

¹⁷ Abïk nïïm ciɛ̈n kuïn cï pam ku pïïu dekkï, abïk diɛɛr aläl, ku jɔkï riëër wei, në biäk de awɛ̈ɛ̈cken.”

Edhekiɛl 4:17 ပူးပေါင်းရင်းမြစ်များ

2 Mel 6:25

Go cɔŋdït lööny Thamaria, të ɣɔn cï ke tuɔɔk, arëk abï nɔm de muul jɔ aa ɣɔɔc në atek kathiërbɛ̈t, ku aduŋ de wɛ̈ɛ̈l cɔl ceth ke guök aaye ɣaac në atek kadhïc.

2 Lëk 34:24

lëkkï jam ë Bɛ̈nydïïtë an: “Yɛn bï kɔc ke Jeruthalem luöi këtuc ku kɔc ceŋ en ëbɛ̈n, në biäk de acien cï ke gɔ̈ɔ̈r në awerekic ëbɛ̈n, awerek cï kuɛ̈n melik de Juda.

Edhekiɛl 24:23

Wek cïï bï cath ke we kuöm nïïm, ku cäkï cath ke we ceŋ war, we cïï bï dhiau ku cäkï dhuöör. Wek bï thöök wei në biäk de awɛ̈ɛ̈ckun, ku dhiaukï ke we teer wapäc.

Edhekiɛl 33:10

Go jam de Bɛ̈nydït bɛ̈n tëde yɛn an. “Mɛnh ë raan, nyɔk kënë yic baai de Yithriɛl kë yek lueelë an: ‘Wok cïï duɔɔny në awɛ̈ɛ̈ckuɔ, ku ka cuk ke wuööc. Wok bï thök. Duëërku pïïr adï?’

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Lebai 26:39

Kɔc cï döŋ ke ke pïïr ë weyiic abïk riɛ̈ɛ̈r wei, piny de kɔc dɛ wek ater në biäk de karɛcken. Ku abïk riɛ̈ɛ̈r wei ayadäŋ në biäk de karɛc ke wärken.

Amoth 4:8

Ku kɔc cï yiɛɛl wei acïk thiëi ë wuöt yiic ke ke kɔɔr pïïu, ku acïn pïïu cïk yök. Ku wek ŋoot ke wek cïï röt puk Ɛn. Kë cïï Bɛ̈nydït lueel ka.