Edhekiɛl 4:10 - JAM DE NHIALIC 2011

¹⁰ Yïn bï päl bot kaarou ku thiërdiäk de kuïn cï pam në kööl tök, ku abï tɔ̈u aɣet cï kööl däŋë.

Edhekiɛl 4:10 ပူးပေါင်းရင်းမြစ်များ

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Jeremia 32:9

Guɔ dom tɔ̈u ë Anathoth ɣɔɔc tëde Ɣanamel wën ë awälën ku thëm wëu yen, aaye wëu ka ateek kathiëër ku dhorou.

Edhekiɛl 12:18

“Mɛnh ë raan, ye rɔ tɔ lɛthë të ciëm yïn, ku lɛthë yïn ë riɔ̈ɔ̈c të dek yïn pïïu.

Edhekiɛl 14:13

“Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Edhekiɛl 4:11

Yïn bï aa dek aya në pïïu cï thɔ̈ɔ̈ŋ, cuöp kaarou në kööl tök.

Edhekiɛl 4:16

Go bɛ lueel an, “Mɛnh ë raan, Yɛn lɔ kueer ee kacaam bɛ̈ɛ̈i Jeruthalem teem kɔ̈u. Kɔc tɔ̈u ëtɛ̈ɛ̈n abïk piɔ̈ɔ̈th jiɛth ku diɛɛrkï të le kek kuïn camkï aa them, ku themkï pïïu yek dek.

Edhekiɛl 45:12

Kakuön ke thëm abïk tɔ̈u alë: Cekel tök abï aa gera kathiërrou, ku wëu kadhïc, abïk aa wëu kadhïc, ku wëu kathiëër abïk aa cekeel kathiëër, ku mina tök abï aa cekeel kathiërdhïc.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.