Edhekiɛl 39:25 - JAM DE NHIALIC 2011

²⁵ Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Edhekiɛl 39:25 ပူးပေါင်းရင်းမြစ်များ

Diɛt 85:1

Bɛ̈nydït Yïn ee piɔ̈u kok wekë pinydu, Yïn cï kɔc ke Yithriɛl bɛ tɔ de nïïm käŋ.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 56:8

Bɛ̈nydït Awärjäŋ wään cï kɔckɛn ke Yithriɛl lɔ puɔ̈k nïïm ciëën pinyden të wään cïï ë keek peec, acï gutguut lueel nɔn bïï yen ŋoot ke bïï kɔc kɔ̈k bï röt mät keek.

Jeremia 23:3

Yɛn bï kɔckï määtiic në wuöt cän keek thiäi thïn, ku abä keek bɛ̈ɛ̈i ciëën pinyden. Abïk dɛ mïth juëc ku ŋuak kuënden nyin.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 31:1

Aye Bɛ̈nydït lueel an, “Në ee köölë, Yɛn bï aa Nhialic de ɣööt ke Yithriɛl kedhie, ku abïk aa kɔckï.”

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 33:7

Yɛn bï Juda kekë Yithriɛl tɔ kueth, ku abä ke bɛ yïk cït man wään tueŋ.

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 36:10

Wek bä ke tɔ kuet, ka wek baai de Yithriɛl abï juëc, pɛ̈ɛ̈nydït abï ke cieŋ ku yiɛ̈kkï këriëëc wään cï riɔ̈ɔ̈k ëbɛ̈n.

Edhekiɛl 37:11

Go Nhialic lɛ̈k yɛn an, “Mɛnh ë raan, baai de Yithriɛl acït ee yomkë. Ayek lueel an cïk ril wei, ke ke cïn aŋäth ku cïnkï nïïm wadäŋ.

Edhekiɛl 39:7

Abä dhil looi ago kɔckiën ke Yithriɛl rinkiën ɣer yiic ŋic, ku yɛn cïï rinkï bï bɛ tɔ yäär. Ëtɛ̈ɛ̈n abï juöör jɔ ŋic nɔn ee yɛn Bɛ̈nydït, Raan Ɣeric de Yithriɛl.”

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Jowɛl 2:18

Ku ëtɛ̈ɛ̈n, Bɛ̈nydït abï piɔ̈u bɛ gɔ̈ɔ̈i në biäk de pinyde. Ku be piɔ̈u kok kekë kɔcke.

Amoth 9:14

Yɛn bï kɔckiën ke Yithriɛl cï lɔ në pɛ̈cic bɛ pɔ̈k nïïm ciëën pinyden. Ku bïk pɛ̈ɛ̈nydïtkɛn cï riääk bɛ nyɔk në yïk, ku ɣapkï keek, abïk duum ke enap com, ku dëkkï në mɔ̈nde, abïk duum ke tiim aa com, ku camkï mïth ke tiim.

Naɣum 1:2

Bɛ̈nydït ee Nhialic amantil, ee kɔc reec En luöi këtuc. Bɛ̈nydït ee gɔ̈th arëët, ku guur këde nɔm. Ee këde guöör në kɔc ke aterde, ku muk keek ater.

Dhek 1:14

Go tunynhial lɛ̈k yɛn luɔi bän kë cï Bɛ̈nydït de rɛm lueel an, ‘Jeruthalem anhiaar arëët kekë Dhiɔn,

Dhek 8:2

Kë cï Bɛ̈nydït de rɛm lueel kï an: “Yɛn ë piɔ̈u gɔ̈ɔ̈i arëët, wokë këriëëc lui ë kɔc ke ater Jeruthalem.