Edhekiɛl 39:17 - JAM DE NHIALIC 2011

¹⁷ Bɛ̈nydït Awärjäŋ acï yɛn an, “Mɛnh ë raan, cɔl diɛt kedhie ku läi bïk bɛ̈n në ɣään kedhie, bïk miɔ̈c näk cä guiëër keek bɛ̈n cam. Abï aa dhuëëŋ dït agök në kur ke Yithriɛl nïïm, të bïï kek rïŋ cuet ku dekkï riɛm.

Edhekiɛl 39:17 ပူးပေါင်းရင်းမြစ်များ

Cäk 31:54

Go Jakop thɔ̈k gäm Nhialic ë kuur nɔm ku nɛ̈k ke. Ku cɔɔl kɔcke lek cam në yen ëtök. Na wën acïk thök në cäm, ke ke nin ë kuur nɔm ëtɛ̈ɛ̈n.

Yith 18:6

Gup ke rem ë tɔŋden abïï ke päl diɛt nhial ku läi roor. Abï diɛt ke ŋueet mɔ̈i ku ciɛm läi keek rut.”

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 34:6

Abätäude abï kɔ̈u thiäŋ në riɛmden ku kɔlden, cït man de riɛm ku kɔl de amɛ̈l ku bɔɔth ke miɔ̈c näk. Bɛ̈nydït abï ee miɔ̈cë gam ë pänydït de Bothera yic, abï ë nääkdïïtë looi piny de Edom.

Yith 34:7

Kɔc abïk aa wïïk cï ɣɔ̈k roor ku miöör kor, ku piny abï aa thiir ke riɛm thiäŋ ke kɔl.

Yith 56:9

Bɛ̈nydït acï juöör kɔ̈k yɔ̈ɔ̈k bïk bɛ̈n cï läi roor, ku bïk kɔcke bɛ̈n cuääl.

Jeremia 12:9

Kɔckiën cä lɔc acïk ciët dit, din cï ë lith gɔ̈p në aguuk kedhie. Calkï läi roor bïk bɛ̈n cam ë këcamdït!

Jeremia 25:33

Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Jeremia 46:10

Kënë ee kööl de Bɛ̈nydït Awärjäŋ, abï rɔt guöör ee köölë, ee köölë abï kɔc ke aterde luöi këtuc. Abïï abätäude ke cam abïï kuɛth, ku dek riɛmden abï thiäŋ. Ee köölë Awärjäŋ anäk kɔc ke aterde të lɔ rut, ë wɛ̈ɛ̈r ë Yuparat yɔu.

Edhekiɛl 29:5

Yïn bä cuat wei në jɔ̈ɔ̈ric wekë rec cï röt pat ë yïguöp ëbɛ̈n. Guöpdu abïï dhɔt piny ke cïn raan tɔ̈ɔ̈u en. Abä tɔ cuet ë läi roor ku ŋueet diɛt ke ye këcamden.

Edhekiɛl 39:16

(Abï dɛ wun thiɔ̈k ëtɛ̈ɛ̈n cï cäk në rin ke rem de tɔŋ.) Ku ëtɛ̈ɛ̈n piny abïï jɔ bɛ tɔ piɛth.”

Edhekiɛl 39:4

Gok kekë remdɛn ë tɔŋ ku kɔc mät në yen ëtök, abïk löny kedhie thoukï në kur ke Yithriɛl nïïm, ku yɛn bï gupken tɔ ye këcam ke diɛt ku läi roor ëbɛ̈n.

Dhep 1:7

Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.

Math 24:28

Të nu kë cï thou, yen ee të bï cuɔɔr guiëër thïn.

1 Tham 16:3

Caalë Jethe në miaac yic, ku yïn bä lɔ lɛ̈k kë bä looi. Yïn bï raan lɔ tɔc nɔm ke ye melik, raan bä lɔ nyuöth yïn.”

1 Tham 17:46

Bɛ̈nydït abï yï gäm ɛn ee köölë, yïn bä nɔ̈k ku tɛ̈ɛ̈m yïnɔm bei. Ku gup ke rem de tɔŋ ë Pilithiin abä ke tɔ ciɛm ë diɛt ee köölë ayï läi roor. Yen abï piny nɔm e jɔ ŋic nɔn de Yithriɛl nɔm Nhialic.

1 Tham 9:13

Të la wek lɔ wut abäk yök ke kën kɔn lɔ tëthöny të le yen cam. Ku kɔc acïkï bï cam ke kën kɔn bɛ̈n, në biäk bï en miɔ̈c näk thieei. Ago kaaman jɔ cam, ku jɔ lɔ nhial, abäk yök ënɔɔnë ke cï bɛ̈n.”