Edhekiɛl 39:10 - JAM DE NHIALIC 2011

¹⁰ Acïkï bï bɛ aa kuany në tiim ë duum yiic, ku nɔn yep kek tiim në ruɔɔr yiic, në biäk bïï kek dɛ dhɛ̈ŋ juëc bïï kek mac aa dɛ̈ɛ̈p. Abïk kɔc wään cï keek rum ku yakkï keek bɛ rum ku yakkï keek.” Acïï Bɛ̈nydït Awärjäŋ lueel.

Edhekiɛl 39:10 ပူးပေါင်းရင်းမြစ်များ

Bɛ̈n 12:36

Go Bɛ̈nydït kɔc ke Rip tɔ rïïu kɔc ke Yithriɛl, gokï ke gäm kakɛn cïk lip. Yen kueer ë jɔt ë kɔc ke Yithriɛl këriëëc de Rip ka ëbɛ̈n.

Bɛ̈n 3:22

Tik ëbɛ̈n në diëër ke Yithriɛliic, abï tiiŋ ë Rip thiëëk kek aa lip, ku nɔn ee yen tiiŋ rëër en ɣönde. Abïï lip ë lupɔɔ, ku joth ke adhääp, ku joth ke ateek. Ku abï diëërkun ke lɔ tääu në mïthken gup, ayï duetken aya. Ku abïk wëu ke kɔc ke Rip jat wei ëbɛ̈n në ee kueerë.”

Yith 14:2

Kɔc juëc abïk keek kuɔny ke ke bï lɔ piny cïï Nhialic gäm keek, ku ëtɛ̈ɛ̈n juöör abïk baai de Yithriɛl aa luööi cï lïïm. Ku kɔc wään cï ke kɔn peec, ënɔɔnë abï Yithriɛl ke bɛ peec, ku abïk kɔc wään cï keek kɔn yɔŋ bɛ cieŋ.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Edhekiɛl 39:11

Go Bɛ̈nydït lueel an, “Të le kakë tuöl kedhie, Yɛn bï Gok gäm piny bïï ë yen tɔ̈ɔ̈u në Yithriɛl ëtɛ̈ɛ̈n, në Wak de Kamaanic, ë biäk të lɔ aköl amiäk de Wɛ̈ɛ̈r de Amilɔ. Gok kekë remdɛn ë tɔŋ ëbɛ̈n, abïï ke tɔ̈ɔ̈u ëtɛ̈ɛ̈n, ku wak abï aa cɔɔl an, ‘Wak de Rem Tɔŋ de Gok.’

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Ɣabakuk 2:8

Wek cï kɔc juëc ke juöör peec, kɔc cï döŋ apïr abïk week bɛ peec ayadäŋ. Në biäk cä wek kɔc nɔ̈k, ku kuörkï juöör ke pɛ̈ɛ̈nydït ke pinynɔm ëbɛ̈n.

Ɣabakuk 3:8

Ee kiɛɛr kek tɔ Yïn göth aläl Bɛ̈nydït? Ku ee wɛ̈ɛ̈r yen tɔ Yï diu piɔ̈u? Yïn ë kɛɛc në amaŋ de luäät kɔ̈ɔ̈th abïk ciët jöŋgöör ke tɔŋ ku tɔ kɔcku tiëm.

Dhek 14:14

Röör ke Juda abï thɔ̈ɔ̈r ke ke kony Jeruthalem. Abïk kuɛth ë juöör ëbɛ̈n peec, ku jɔtkï adhääp, ku ateek, ku lupɔɔ juëc aläl.

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

Nyuuth 18:6

Luöikï kë cït kë wään bï luöi week, luöikï kë cït këde luɔide ku ŋuakkï nyin raanrou. Bïnydɛn wään cï thiɔ̈ɔ̈ŋ tɔ dɛkkï, jakï thiɔ̈ɔ̈ŋ raanrou takï dek.