Edhekiɛl 38:22 - JAM DE NHIALIC 2011

²² Abä ke luöi këtuc në juäi ku kuëër de riɛm. Rel de deŋ ku deŋ kɔɔi, kedhie në mac ku thulpur, abïk röt wäl në yenɔm kekë remdɛn ë tɔŋ, ku rɛm ke tɔŋ ke juöör kɔ̈k tɔ̈u në biäkde.

Edhekiɛl 38:22 ပူးပေါင်းရင်းမြစ်များ

Cäk 19:24

Ago Bɛ̈nydït many de thulpuur dap guɔ wäl Thɔdom kekë Gomoora ëthiäu.

Diɛt 11:6

Ago kɔc rac tuöc lɔ̈k de many de cool, ku tuc keek thulpur dɛ̈p, ku lui keek këtuc në yom de kupiör.

Yith 28:17

Yic yen abï aa athëm de këërkëër, ku piathëpiɔ̈u yen abï aa pëk de thëm.” Amaŋ de deŋ abï tör ë lueth ya wek röt kan nap wei, ku amool mändun riɔ̈ɔ̈k.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Yith 34:3

Gupken acï ke bï tɔ̈ɔ̈u, abïk dhɔt piny ke ke cï nhiany ku thiäŋkï piny në aŋuäc, ku kur abïk nïïm aa thiir ëbɛ̈n ë riɛm.

Yith 66:16

Në mac ku abätäu abï kɔc ke piny nɔm ëbɛ̈n luöi këtuc, kɔc bïï ke yök ke ke cï wäc, ku kɔc juëc abïï ke nɔ̈k.

Jeremia 25:31

ku röl abï rɔt aa gam ë piny thar. Bɛ̈nydït ade ke, lueel ke juöör. Abï kɔc bɛ̈ɛ̈i ë luk nɔm kedhie, ku nɛ̈k kɔc ee karɛc looi. Acïï Bɛ̈nydït lueel,’ ”

Edhekiɛl 13:11

lɛ̈kë tït nɔn bïï pänyden wïïk. Yɛn bï deŋ tueny tuɔɔc. Deŋ kɔi abï lööny në yenɔm, ku put yom ril ë yeguöp.

Edhekiɛl 28:23

Yɛn bï jɔɔk tuöc week ku ta riɛm kuëër në kuɛɛrkun yiic. Yïn bï mak në ɣään kedhie, ku kɔcku abïï keek nɔ̈k. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 39:6

Yɛn bï piny de Magɔk ɣaak, ku në Abäpdit yɔu të wën ee kɔc rëër ke cïn ke nuan keek, ku abïï raan ëbɛ̈n jɔ ŋic nɔn ee Yɛn Bɛ̈nydït.

Edhekiɛl 5:17

Yɛn bï cɔk ku läi roor tuɔɔc lek mïthkun nɔ̈k, ku tuɔɔc juäi, ku akuöörkuöör, ku tɔɔŋ bïk we lɔ nɔ̈k. Acä lueel, Yɛn Bɛ̈nydït.”

Jowɛl 3:2

Yɛn bï juöör määt yiic kedhie, ku bɛ̈ɛ̈i keek në wak de Jeɣocapat ɣɔn cän e tɔ tiëm. Bä keek bɛ̈n luöi këtuc ëtɛ̈ɛ̈n, në biäk de kë cïk luöi Yithriɛl kɔckiën bä lɔ̈ɔ̈k lak. Acïk kɔckï thiäi në juöör yiic ëbɛ̈n, ku tëkkï röt pinydï.

Math 7:27

go deŋ lɔ piny, ku bɔ̈ amool, ku put yom dït, abïk wït ee ɣönë, ago wïïk ë wïïk dït.

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Nyuuth 14:10

ka yenguöp abï dek ë mɔ̈n ë agönh ë Nhialic, mɔ̈n cï dhiim ë abïny ë agönhdɛn cï tïc, ke cïn kë cï liääp ke ye, ku abï leeŋ wëi në mac ku thulpur ë tuucnhial ɣeriic nïïm, ku Nyɔŋamääl nɔm:

Nyuuth 16:21

Ku lööny kɔi dït piny nhial löönykï ë kɔc nïïm, thiek de kɔi tök akït kekë cuaal bɔ̈ɔ̈ric: go kɔc Nhialic aa läät në baŋ de riääk de kɔi, riääk riëëk en piny adït aläldïïtë.

Nyuuth 20:9

Gokï lɔ ku thiäŋkï piny nɔm, ku jɔkï të tɔ̈uwë rem ë kɔc ɣerpiɔ̈ɔ̈th tuɔɔk ku tookkï pänydïït nhiaar: na wën, ke mac bɔ̈ piny paannhial, bï ku cuɛ̈ɛ̈l keek.

Nyuuth 8:7

Go tunynhial tueŋ kaaŋde kooth, na wën ke kɔɔi de deŋ bɔ̈, kekë mɛ̈c cï liääp ë riɛm, ku cuɛtë keek ë piny nɔm: go baŋ töŋ de piny nɔm lɔ kuith piny ë nyop, baŋ töŋ wën ee kek diäk, ayï baŋ töŋ de tiim, ku lɔ wɛ̈ɛ̈l tɔ̈c kuith piny ë nyop ëbɛ̈n.