Edhekiɛl 38:19 - JAM DE NHIALIC 2011

¹⁹ Acä bɛ̈n lueel në tuöc de agönhdï, në ye köölë piny abï rɔt nieeŋ aläl piny de Yithriɛl.

Edhekiɛl 38:19 ပူးပေါင်းရင်းမြစ်များ

Diɛt 18:7

Ago piny rɔt nieeŋ ku lɛthë, ku lɛthë këërkëër ke kur ku kuemkï röt, në luɔi cï Bɛ̈nydït piɔ̈u diu.

Diɛt 18:8

Ago tol lɔ nhial në yewum, ku atiam de many dɛ̈p ë yethok ku bɔ̈ many ee biɔ̈l bei në yeguöp.

Diɛt 79:5

Bɛ̈nydït, bä gɔ̈th we wook aɣet athɛɛr? Bï agönhdu aa dɛ̈p cït man ë mac?

Yith 42:13

Bɛ̈nydït ee lɔ biic ke lɔ piɔ̈t cït rem ë tɔŋ, acï rɔt guiir ke de piɔ̈u tɔŋ. Ee dhiën ë tɔŋ gam ku looi awuɔɔu de tɔŋ, ee riɛlde nyuöth kɔc ke aterde.

Yith 42:15

Yɛn bï kur kor ku kur dït riɔ̈ɔ̈k ku ta wal yuɔm kekë tiim. Yɛn bï wɛ̈k ke kiɛɛr tɔ ye jɔ̈ɔ̈r, ku ta awuul ke pïïu dëu.

Edhekiɛl 36:5

Acä lueel, Yɛn Bɛ̈nydït Awärjäŋ në tuöc de agönhdï wokë juöör thiääk në week, ku në Edom aläl. Në agɛɛt ku riääk, acïk pinydï rum ku nömkï ɣäänkɛn ke nyuäth.

Edhekiɛl 36:6

“Cäärë në biäk de piny de Yithriɛl, lɛ̈kë kur ku kur kor ku nyïïn ke pïïu, ku wɛ̈k, kë luɛɛl Yɛn Bɛ̈nydït Awärjäŋ, aluɛɛl në tiɛɛl de agɔ̈th në biäk de kueer cïï juöör ke läät ku koorkï keek piny.

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Edhekiɛl 39:6

Yɛn bï piny de Magɔk ɣaak, ku në Abäpdit yɔu të wën ee kɔc rëër ke cïn ke nuan keek, ku abïï raan ëbɛ̈n jɔ ŋic nɔn ee Yɛn Bɛ̈nydït.

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Jowɛl 2:18

Ku ëtɛ̈ɛ̈n, Bɛ̈nydït abï piɔ̈u bɛ gɔ̈ɔ̈i në biäk de pinyde. Ku be piɔ̈u kok kekë kɔcke.

Jowɛl 3:16

Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Naɣum 1:2

Bɛ̈nydït ee Nhialic amantil, ee kɔc reec En luöi këtuc. Bɛ̈nydït ee gɔ̈th arëët, ku guur këde nɔm. Ee këde guöör në kɔc ke aterde, ku muk keek ater.

Dhek 1:14

Go tunynhial lɛ̈k yɛn luɔi bän kë cï Bɛ̈nydït de rɛm lueel an, ‘Jeruthalem anhiaar arëët kekë Dhiɔn,

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Ɣeberuu 12:26

Të ɣɔn kɔn ë Nhialic jam në jamdɛn tueŋ, rölde yetök ë piny bɛ̈n nieeŋ. Ku ënɔɔnë acï lueel luɔi bï Yen piny nyɔk ë niëŋ nieeŋ En en, ayï ka nu nhial ayadäŋ.

Ɣeberuu 12:29

Ku Yen, Nhialinyda acït many ee käŋ thöl, tëde kɔc reec gäm

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 16:18

Ku jɔ deŋ wil aläl, ku nu röt ke kɔc, ku määrëdeŋ, ku bɔ̈ niëŋ dïït nieeŋë piny rɔt, acïn kë cï kɔn ciët en ëcaŋɣɔn nu kɔc ë piny nɔm, yen dït ë niëŋ cï piny rɔt niɛŋ arëëtdïïtë!

Nyuuth 16:20

Go tuöör kat kedhie, ku cïn kuurdït be tïc.