Edhekiɛl 38:16 - JAM DE NHIALIC 2011

¹⁶ Wek bï kɔckiën ke Yithriɛl mak cï amaŋ tem piny kɔ̈u. Të cï köölë bɛ̈n, wek bä ke tooc bäk pinydï lɔ peec, ke bä nyuöth juöör ya ŋa, bä ɣɛɛr de yɛn yic nyuɔɔth në kë bä looi në kueerdun.

Edhekiɛl 38:16 ပူးပေါင်းရင်းမြစ်များ

2 Mel 19:19

Ënɔɔnë Bɛ̈nydït Nhialicda luäkë wo bei në Athiriya cin, ke bï juöör ke piny nɔm lueel an, Yïn aye Nhialic Yïtök.”

Bɛ̈n 14:18

Të lan keek tiaam, kɔc ke Rip abïk ɛn jɔ ŋic ëgɔk nɔn ee Yɛn Bɛ̈nydït.”

Bɛ̈n 14:4

Abä tɔ ril nɔm ka bï we kuany cök. Ku yɛn bï dhuëëŋ yök të lan melik tiaam kekë remde. Yen abïï kɔc ke Rip Ya jɔ ŋic nɔn Yan Bɛ̈nydït. Go kɔc ke Yithriɛl kë lëkë keek looi ëbɛ̈n cït man cï ye lɛ̈k keek.

Yith 2:2

Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Yith 29:23

Të la wek mïth bä gäm week tïŋ, abäk jɔ ŋic nɔn ee Yɛn, Nhialic Ɣeric de Yithriɛl. Wek bï A riëëu guöp ku gäikï në Yɛn.

Yith 5:16

Ku Bɛ̈nydït de rɛm ë dïtde nyuɔɔth në luɔi yen yic looi, ku nyooth Nhialic ɣeric ɣɛɛr ë yicde në piathëpiɔ̈nde.

Yith 8:13

Yak ŋic nɔn Yan Bɛ̈nydït de rɛm, Yɛn ɣeric, Yɛn abä wek dhil aa riɔ̈ɔ̈c.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 28:22

lɛ̈kë kɔc tɔ̈u ëtɛ̈ɛ̈n, kë luɛɛl në biäkden yɛn Bɛ̈nydït Awärjäŋ: yɛn ee raan de aterdun, Thidon, kɔc abïk yɛn piɔɔny në biäk de kë luöi week. Abïk ŋic nɔn ee yɛn Bɛ̈nydït, të la yɛn luɔi ɣɛɛr yɛn yic nyuɔɔth, ë luɔi bän kɔc nu në yïyic luöi këtuc.

Edhekiɛl 36:23

Të lan juöör nyuöth ɣɛɛr ë yic de rinkiën dït, rin cäk yɔ̈ɔ̈r në keyiic, ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel, Yɛn Bɛ̈nydït Awärjäŋ. Wek bä keek luööi aguɔ nyuöth juöör ŋic nɔn ɣɛɛr Yɛn yic.

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Edhekiɛl 39:21

Go Bɛ̈nydït lueel an, “Yɛn bï juöör tɔ tïŋ dhuëëŋdï, ku nyuöth keek luɔi ee Yɛn riɛldï tɔ loi löŋdiën yic cä lueel.

Edhekiɛl 39:27

Në luɔi bän ye nyuöth juöör juëc nɔn ɣeer Yɛn yic, Yɛn bï kɔckï bɛ̈ɛ̈i ciëën në wuöt yiic ëbɛ̈n wuöt cieŋ ë kɔc ke aterden.

Edhekiɛl 39:7

Abä dhil looi ago kɔckiën ke Yithriɛl rinkiën ɣer yiic ŋic, ku yɛn cïï rinkï bï bɛ tɔ yäär. Ëtɛ̈ɛ̈n abï juöör jɔ ŋic nɔn ee yɛn Bɛ̈nydït, Raan Ɣeric de Yithriɛl.”

Danyel 10:14

Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 2:28

Ku ade Nhialic nu paannhial, yen ee kacïmoony nyuɔɔth. Nhialic acï melik nyuöth ka bï tuöl wadäŋ. Ku ënɔɔnë yïn bä lɛ̈k nyuöth ë nyuöth yïn, wään niin yïn në agen nɔm.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Jowɛl 3:11

Dapkï guëër wedhie, wek juöör thiɔ̈k, määtkï weyiic ëtɛ̈ɛ̈n, Ku yïn Bɛ̈nydït, bɛ̈ɛ̈iyë jöötkuön ke tɔŋ piny, bïï ke mak.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Maika 4:1

Në akööl ciëën wadäŋ, në kuur tɔ̈u ë Luaŋdït në yenɔm yen abï kɔ̈ɔ̈c ke ye kuur de naamde arëët në kur yiic kedhie abï kur kor wöör nïïm kedhie. Ka juöör juëc ëbɛ̈n, abïk aa guëër ë yelɔ̈ɔ̈m,

Nyöŋ 31:29

Në baŋ ŋiɛc ɛn en miäk të cän thou wek bï riääk aläl, ku pɔ̈kkï röt wei në lööŋ cä lɛ̈k week, në ee nïn bɔ̈yë, riääk abï we lɔ̈ny në biäk bä wek karɛc looi ë Bɛ̈nydït nyin, ku takï rac piɔ̈u në ka looi cinkun.

1 Tim 4:1

Acï Wëidït lueel në thoŋ bï kɔc piŋ an, ë kööl wadäŋ kɔc kɔ̈k abïk lööny wei ë gämic, ku jɔkï ka ke jɔɔk ë kɔc math piŋ, ku piŋkï wëët ë jɔɔk rac,

2Tim 3:1

Jɔ kënë ŋic an, të cï thök de piny thiɔ̈k, ke akööl rac bï kɔc dhal abïk bɛ̈n.

Nyuuth 20:9

Gokï lɔ ku thiäŋkï piny nɔm, ku jɔkï të tɔ̈uwë rem ë kɔc ɣerpiɔ̈ɔ̈th tuɔɔk ku tookkï pänydïït nhiaar: na wën, ke mac bɔ̈ piny paannhial, bï ku cuɛ̈ɛ̈l keek.