Edhekiɛl 38:15 - JAM DE NHIALIC 2011

¹⁵ tëdu në biäk të lɔ rut ke yï cath we remdïït ril de tɔŋ, rem bɔ̈ në juöör juëc yiic, keek kedhie aciɛthkï në jöŋgöör kɔ̈ɔ̈th.

Edhekiɛl 38:15 ပူးပေါင်းရင်းမြစ်များ

Edhekiɛl 32:30

“Wɛ̈ɛ̈t meliik ke piny të lɔ rut ka ëtɛ̈ɛ̈n kedhie, ayï kɔc ke Thidon. Riɛlden aacï kɔc kɔn riääc wään, ku ënɔɔnë acïk guɔ le piny ke ke cï gup yäär, në kɔc wään näk ë tɔŋic, ku acï ke tɔ lɔ̈ŋ, ke ke kënë cueel. Arɔmkï ayäär në kɔc wään cï lɔ piny paan ë thuɔɔu.

Edhekiɛl 38:4

Abä wɛl nɔm ciëën, ku tääu alabithɔ në yegëm ku ja thɛl wei kekë remdɛn ë tɔŋ kedhie. Remdɛn ë tɔŋ kekë jöŋgöörke, ku kɔckɛn kuath keek ke ke ceŋ ka ke thöŋ gup, ee këdïït ë gäi, ku rem de tɔŋ ëbɛ̈n, keek kedhie abïk kööt ku abätɛ̈ɛ̈u muk.

Edhekiɛl 38:6

Kɔc ke tɔŋ de piny de Gomer ku Beth Togama tɔ̈u të lɔ rut atɔ̈ukï në yen, ku yen ee täu de röör ke juöör kɔ̈kë ëbɛ̈n.

Edhekiɛl 39:2

Abä wɛl nɔm kueer däŋ, ku ja wat nɔm të mec lɔ të lɔ rut agut të bï yen ɣet në kur ke Yithriɛl yiic.

Danyel 11:40

“Ke të cï kööl ciëën ke melik de Thiriya thiɔ̈k në bɛ̈n, abïï melik de Rip yen yiɛ̈n tɔŋ, ku melik de Thiriya abï tɔŋ looi në riɛlde ëbɛ̈n, abï tɔŋ looi në abëël ke tɔŋ, ku joŋgöör, ku abëël wïïr juëc. Abï wuöt juëc luöi tɔŋ cït man ë pïïu ke amool.

Jowɛl 3:11

Dapkï guëër wedhie, wek juöör thiɔ̈k, määtkï weyiic ëtɛ̈ɛ̈n, Ku yïn Bɛ̈nydït, bɛ̈ɛ̈iyë jöötkuön ke tɔŋ piny, bïï ke mak.

Jowɛl 3:2

Yɛn bï juöör määt yiic kedhie, ku bɛ̈ɛ̈i keek në wak de Jeɣocapat ɣɔn cän e tɔ tiëm. Bä keek bɛ̈n luöi këtuc ëtɛ̈ɛ̈n, në biäk de kë cïk luöi Yithriɛl kɔckiën bä lɔ̈ɔ̈k lak. Acïk kɔckï thiäi në juöör yiic ëbɛ̈n, ku tëkkï röt pinydï.

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Nyuuth 16:14

ayek atïptïïp ke jɔɔk rac, atïptïïp ee göök gɛ̈iyë looi, ku lekï biic lek të nu meliik ke piny nɔm ëbɛ̈n, lek ke kut nïïm në këde tɔŋ, tɔŋ de kööldïït ë Nhialic Awärjäŋ.

Nyuuth 16:16

Go ke kut nïïm të cɔl Armagedon në thoŋ ë Ɣeberuu.

Nyuuth 20:8

ku abï lɔ biic le juöör math juöör nu ë piny biäk ee yic ŋuan, Gok ku Magɔk, le ke kut nïïm në këde tɔŋ: kɔc cït ë kuënden liɛɛt ë abäpdit.