Edhekiɛl 37:6 - JAM DE NHIALIC 2011

⁶ Ku yiëk we räl ku rïŋ, ku kuöm wegup në dɛ̈l. Yɛn bï wëi tääu në weyiic ku bɛ week tɔ pïïr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.”

Edhekiɛl 37:6 ပူးပေါင်းရင်းမြစ်များ

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

Diɛt 104:30

Ku të cï Yïn ke gäm wëi, ka acï keek cak, Yïn cï pïïr cï piac looi bɛ̈ɛ̈i ë pinynɔm.

Bɛ̈n 6:3

Yɛn aye Nhialic Awärjäŋ. Yɛn acï tuöl ɣɔn tëde Abraɣam, ku Yithaak, ku Jakop. Ku akɛ̈n ke bɛ̈n nyuöth rinkiën ɣeriicë, rin ke Bɛ̈nydït.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Edhekiɛl 11:10

ka wek bï nɔ̈k në tɔŋic pinydun. Ku ëtɛ̈ɛ̈n abïï raan ëbɛ̈n ŋic nɔn ee yɛn Bɛ̈nydït.

Edhekiɛl 11:12

Abäk ŋic nɔn ee yɛn Bɛ̈nydït, ku të wään muɔ̈k wek lööŋ ke juöör thiääk në week, ke wek aake dhuuŋ lööŋkï kɔ̈ɔ̈th, ku rɛɛckï ka cä lɛ̈k week.”

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 32:15

Kööl lan Rip tɔ ye të cï pɔ̈l ku riääk kɔc rëër ëtɛ̈ɛ̈n ëbɛ̈n, abïk ŋic nɔn ee yɛn Bɛ̈nydït.

Edhekiɛl 34:27

Tiim abïk luɔk ë mïth, ku duum abïk luɔk në rap, ka raan ëbɛ̈n abï rëër ke cïn kë riɔ̈ɔ̈c en pinyde. Të lan kuat rek ë kɔckï tueny, gäm ke nɔm lääu tëde kɔc cï keek tɔ ee lïïm, ëtɛ̈ɛ̈n abïk jɔ ŋic nɔn ee Yɛn Bɛ̈nydït.

Edhekiɛl 35:12

Ku ëtɛ̈ɛ̈n abäk jɔ ŋic nɔn ee Yɛn Bɛ̈nydït Awärjäŋ, raan cï ye piŋ ke yak lueel në agɔ̈th an cï kur ke Yithriɛl pɔ̈l ku yek kakuön bäk cam.

Edhekiɛl 35:15

cït man wään cä wek piɔ̈ɔ̈th miɛt në riäŋ baai de Yithriɛl, kɔc ke nɔmdï. Kur ke Theyir, piny de Edom ëbɛ̈n, abï yic ciën kɔc. Ëtɛ̈ɛ̈n abïï raan ëbɛ̈n ŋic nɔn ee Yɛn Bɛ̈nydït.”

Edhekiɛl 35:9

Yïn bä tɔ cïn yic kɔc aɣet athɛɛr, ku acïn raan bï bɛ rëër në pɛ̈ɛ̈nydïtku yiic. Ëtɛ̈ɛ̈n abä jɔ ŋic nɔn ee Yɛn Bɛ̈nydït.

Edhekiɛl 37:14

Yɛn bï wëikï tääu në keyiic, ku bɛ ke tɔ pïïr, ku ta keek rɛ̈ɛ̈r pinyden. Ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel nɔn bän ee kënë looi, ku abä looi. Acä lueel, Yɛn Bɛ̈nydït Awärjäŋ.”

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Edhekiɛl 39:22

Abïï baai de Yithriɛl jɔ ŋic ënɔɔnë lee tueŋ, nɔn ee Yɛn Bɛ̈nydït Nhialicden.

Edhekiɛl 39:28

Ëtɛ̈ɛ̈n abïï kɔckï jɔ ŋic nɔn ee Yɛn Bɛ̈nydït Nhialicden. Abïk ee kënë ŋic, në biäk cïï Yɛn ke tuɔɔc ë juöör yiic, ku ënɔɔnë acä ke määt yiic, ku bɛ̈ɛ̈i ke ciëën pinyden, ke cïn raan töŋdɛn nyiëëŋë piny.

Edhekiɛl 39:6

Yɛn bï piny de Magɔk ɣaak, ku në Abäpdit yɔu të wën ee kɔc rëër ke cïn ke nuan keek, ku abïï raan ëbɛ̈n jɔ ŋic nɔn ee Yɛn Bɛ̈nydït.

Edhekiɛl 6:13

Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Jowɛl 2:27

Yen abä wek en jɔ ŋic nɔn nu Yɛn ë weyiic, wek Yithriɛl, ku ŋiɛckï nɔn Yan Bɛ̈nydït Nhialicdun Yatök acïn raan däŋ pei. Kɔckï acïï keek bï bɛ biɔɔn gup ananden.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Nyöŋ 29:6

Wek cïn nïïm kuïn cï pam camkï, ayï mɔ̈u ku nɔn mɔ̈n tuc dɛkï, ku Bɛ̈nydït acïï ka kaarkï keek bɛ̈n gäm week në biäk bï Yen week wɛ̈ɛ̈t luöi Yen Bɛ̈nydït Nhialicdun.