Edhekiɛl 37:28 - JAM DE NHIALIC 2011

²⁸ Të lan tëdiën ɣeric tääu ëtɛ̈ɛ̈n bïï tɔ̈u në keyiic aɣet athɛɛr, ëtɛ̈ɛ̈n abïï juöör jɔ ŋic nɔn ee Yɛn Bɛ̈nydït, Yɛn cï kɔc ke Yithriɛl lɔc bïk aa kɔc ke nɔmdï.”

Edhekiɛl 37:28 ပူးပေါင်းရင်းမြစ်များ

Diɛt 102:15

Juöör ke pinynɔm ëbɛ̈n abïk riɔ̈ɔ̈c në Bɛ̈nydït, meliik ke piny nɔm abïk riɔ̈ɔ̈c në riɛlde.

Diɛt 126:2

Wok cï bɛ̈n dɔl ku këtku diɛt ë miɛtëpiɔ̈u! Go ë juöör kɔ̈k lueel ë biäkda an, “acïï Bɛ̈nydït keek luöi kagɛ̈iyë.”

Diɛt 79:10

Eeŋö duëër ë juöör wook aa thiëëc an, “Nu Nhialicdun ë nou?” Tɔ wo tïŋ luɔi dui Yïn juöör në luɔi cï kek rim ke awuutku tɔ kuëër piny.

Bɛ̈n 15:17

Ku bä ke bɛ̈n piith në kuur nɔm, tëduön cï lɔc Bɛ̈nydït an bïï aa ɣöndu. Tëɣeric ɣɔn yïk në Yïn guöpdu.

Bɛ̈n 25:8

Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic.

Bɛ̈n 31:13

“lɛ̈kë kɔc ke Yithriɛl an, ‘Dɔ̈tkï Thabath, kööldiën de lɔ̈ŋ. Në baŋ yen kïn de mät në kaamdï wo week aɣet athɛɛr, kïn bï ye aa nyuɔɔth nɔn cän week tɔ ye kɔc ke nɔmdï Yɛn Bɛ̈nydït.

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Edhekiɛl 20:12

Acä ke gäm kööldiën de Thabath ke ye kïn de mät në kaamdï wo keek, bïï keek aa täk nïïm, an yɛn Bɛ̈nydït, acä keek tɔ ɣer yiic.

Edhekiɛl 36:23

Të lan juöör nyuöth ɣɛɛr ë yic de rinkiën dït, rin cäk yɔ̈ɔ̈r në keyiic, ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel, Yɛn Bɛ̈nydït Awärjäŋ. Wek bä keek luööi aguɔ nyuöth juöör ŋic nɔn ɣɛɛr Yɛn yic.

Edhekiɛl 36:36

Ëtɛ̈ɛ̈n abïï juöör thiɔ̈k wään cï poth, abïk jɔ ŋic nɔn ee Yɛn Bɛ̈nydït, ee yɛn ë be pɛ̈ɛ̈nydït cï riɔ̈ɔ̈k nyɔk ë yïk ku bɛ duum cï riääk com. Yɛn Bɛ̈nydït Awärjäŋ, acä lueel nɔn bän ee kënë looi, ku abä looi.”

Edhekiɛl 38:1

Go jam de Bɛ̈nydït bɛ̈n tëde yɛn an:

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Edhekiɛl 39:23

Ku abïï juöör ŋic nɔn ë peec ë baai de Yithriɛl lek piny lei në biäk de awɛ̈ɛ̈c cïk luöi Yɛn. Yɛn cï rɔt yal wei tëde keek ku ta keek tiɛɛm ë kɔc ke aterden ku näkkï keek në tɔŋic.

Edhekiɛl 39:7

Abä dhil looi ago kɔckiën ke Yithriɛl rinkiën ɣer yiic ŋic, ku yɛn cïï rinkï bï bɛ tɔ yäär. Ëtɛ̈ɛ̈n abï juöör jɔ ŋic nɔn ee yɛn Bɛ̈nydït, Raan Ɣeric de Yithriɛl.”

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Edhekiɛl 48:35

Bɛ̈ɛ̈r de päny ëbɛ̈n në biäk ke pänydït kedhie kaŋuan, ee agum kathiëër ku thiërbɛ̈t (10,080) de akeem. Ku rin ke pänydït gɔl ënɔɔnë leer wadäŋ abï aa, “Bɛ̈nydït anu ee tënë!”

Lebai 20:8

Riëëukï lööŋkï ku dɔ̈tkï keek, ee yɛn Bɛ̈nydït, raan ee yïn tɔ ɣeric.

Lebai 21:8

Yak bäny ke kake tɔ ɣeriic në ke ye kek këcam de Nhialicdun gam. Yak keek tɔ ɣeriic, në biäk aa Yɛn Bɛ̈nydït, raan ë tɔ we ɣeriic, Yɛn ɣeric.

Lebai 26:11

Yɛn bï rëër në weyiic tëdiën ɣeric, ku wek cä ke bï nyääŋ piny.

Dhep 3:15

Bɛ̈nydït acï luɔi lui En yïn këtuc pɔ̈l, acï kɔckuön ke ater nyaai ëbɛ̈n, Bɛ̈nydït, Meliŋ de Yithriɛl atɔ̈u ke week, ka cïn kë bï we bɛ riääc ënɔɔnë.

Math 23:17

Wek dhän ku cöör! Ee kënou de dït ë keyiic, adhääp en dït, ku dït Luaŋdït, eeŋö ë adhääp tɔ ɣeric?

Romai 11:15

Ku na cuɛt cuɛtë ke wei, të ee yen mɛ̈ɛ̈t bï piny nɔm määt, ku döm bï ke bɛ dɔm, bï ciët ŋö, cïï bï aa pïïr ë kɔc cï thou yiic?

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.