Edhekiɛl 37:22 - JAM DE NHIALIC 2011

²² Abä ke mat yiic ke ke ye jur tök pinyden, në kuur de Yithriɛl nɔm. Abïk nïïm dɛk meliŋ tök bï ke cieŋ, ku acïï ke bï bɛ tek yiic bïk aa juöör kaarou, ku cïï ke tek yiic bïk aa ciɛɛŋ kaarou.

Edhekiɛl 37:22 ပူးပေါင်းရင်းမြစ်များ

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Diɛt 2:12

ku guötkï wenïïm piny në yenɔm. Ku na cie yen, ke agönhde abï rɔt dap looi, ka wek bï dap thou ëthiäu. Thieithieei në kɔc ee lɔ tëde Yen le ke gël.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 72:1

Gämë melik yicdu Nhialic, ku gämë piathëpiɔ̈ndu wënduön bɛ̈ny.

Diɛt 72:8

Ciɛɛŋde abïï gɔl në wɛ̈ɛ̈r leer ë wɛ̈ɛ̈r däŋë, ku gɔl ë Yuparat leer ë piny thar.

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Jeremia 33:24

“Cï piŋ luöi ye kɔc ye lueel an, cä Yithriɛl kekë Juda rɛɛc, kek ɣööt kaarou cä ke lɔc? Ku ayek kɔckï woi gup në abiaan, ku acïkï keek ee bɛ woi ke ke ye jur.

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 50:4

Aye Bɛ̈nydït lueel an, “Të le ee köölë bɛ̈n kɔc ke Yithriɛl ayï kɔc ke Juda abïk bɛ̈n ke ke dhiau, ke ke kɔɔr Yɛn, Yɛn Nhialicden.

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Edhekiɛl 17:22

Kë lueel ë Bɛ̈nydït Awärjäŋ kï: “Yɛn bï tim de thidar teem nɔm, ku tɛ̈ɛ̈m këër koor bei ku cuɔm në kuur bäär nɔm,

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 36:10

Wek bä ke tɔ kuet, ka wek baai de Yithriɛl abï juëc, pɛ̈ɛ̈nydït abï ke cieŋ ku yiɛ̈kkï këriëëc wään cï riɔ̈ɔ̈k ëbɛ̈n.

Edhekiɛl 37:17

Ku dom thieec kaarou nïïm ku dɔm kethäär në yïciin, ago ke woi cï thieny tök.

Edhekiɛl 37:24

Melik cït awundï Debid yen abï aa melikden. Abïk keyiic mat kedhie në melik tök cök, ku abïk lööŋkï aa riëëu.

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Edhekiɛl 40:2

Në nyuuth yic Nhialic acï ya jɔt leer ɛn piny de Yithriɛl ku tɛ̈ɛ̈u a piny në kuur bäär nɔm. Guɔ ɣööt juëc tïŋ në yanɔm tueŋ ke ke cït pänydït cï yïk

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Dhek 11:14

Na wën, ke ya dhoŋ thieny ye thieec rou kɔ̈u thieny cɔl ‘‘mät’’, go män de Yithriɛl kekë Juda puɔ̈k.

Mak 3:24

Ku na cï ciɛɛŋ e yic tek në ater, yen ee ciɛɛŋë acïï duëër kɔ̈ɔ̈c.

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.