Edhekiɛl 37:14 - JAM DE NHIALIC 2011

¹⁴ Yɛn bï wëikï tääu në keyiic, ku bɛ ke tɔ pïïr, ku ta keek rɛ̈ɛ̈r pinyden. Ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel nɔn bän ee kënë looi, ku abä looi. Acä lueel, Yɛn Bɛ̈nydït Awärjäŋ.”

Edhekiɛl 37:14 ပူးပေါင်းရင်းမြစ်များ

Yith 32:15

Ku Nhialic abï wëike bɛ tuööc. Ago jɔ̈ɔ̈r ɣɔn cï riääk luɔk bɛ nyɔk, ku lok duum në rɛɛp juëc, ku jɔ duum ee luɔk aa roor dït.

Edhekiɛl 11:19

Abä ke gäm piɔ̈n cï piɛc looi, ku täŋ cï piɛc looi. Yɛn bï piɔ̈ɔ̈thkɛn ril ke kuur nyaai, ku gäm keek piɔ̈n de riëëu.

Edhekiɛl 17:24

Tiim tɔ̈u ee pinyë kedhie abïk ŋic nɔn ee yɛn Bɛ̈nydït, yɛn ee tim bär yiɛp piny, ku ta tiim cek dït abïk bɛ̈ɛ̈r. Yɛn ee tiim tɔ̈c tɔ biɔɔr, ku ta tiim cï riɔu tɔ tɔ̈c. Yɛn Bɛ̈nydït Awärjäŋ, yɛn aa jam. Yɛn bï kë cä lueel dhil looi.”

Edhekiɛl 22:14

Yak tak de riɛl ë piɔ̈u bï döŋ ku nɔn ee riɛl duɛ̈ɛ̈r wek we cin jat nhial të cän thök wo week? Ee yɛn Bɛ̈nydït yɛn aa jam, ku yɛn ee kë cä lueel muk.

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Edhekiɛl 36:36

Ëtɛ̈ɛ̈n abïï juöör thiɔ̈k wään cï poth, abïk jɔ ŋic nɔn ee Yɛn Bɛ̈nydït, ee yɛn ë be pɛ̈ɛ̈nydït cï riɔ̈ɔ̈k nyɔk ë yïk ku bɛ duum cï riääk com. Yɛn Bɛ̈nydït Awärjäŋ, acä lueel nɔn bän ee kënë looi, ku abä looi.”

Edhekiɛl 37:13

Tën lan rɛ̈ŋ lɔ liep nïïm të wään cïï kɔckï tɔ̈ɔ̈u thïn ku bɛ̈ɛ̈i ke bei, abïk jɔ ŋic nɔn ee Yɛn Bɛ̈nydït.

Edhekiɛl 37:15

Go jam de Bɛ̈nydït bɛ̈n tëde yɛn an.

Edhekiɛl 37:6

Ku yiëk we räl ku rïŋ, ku kuöm wegup në dɛ̈l. Yɛn bï wëi tääu në weyiic ku bɛ week tɔ pïïr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.”

Edhekiɛl 37:9

Go Nhialic lɛ̈k ɛn an, “Mɛnh ë raan, cäärë yom. lɛ̈kë yom an Bɛ̈nydït Awärjäŋ acï yïn yɔ̈ɔ̈k bä bɛ̈n në ɣään kedhie, bä wëi bɛ̈n kuɔɔth në gup cï thuowë yiic, ku bä keek bɛ tɔ pïïric”.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:45

Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr.