Edhekiɛl 37:12 - JAM DE NHIALIC 2011

¹² Ka yïn cäärë kɔckiën ke Yithriɛl ku lɛ̈kë keek an, Yɛn Bɛ̈nydït Awärjäŋ, Yɛn lɔ rɛ̈ŋken liep nïïm. Abä ke lɔ bɛ̈ɛ̈i bei, ku bɛ̈ɛ̈i ke ciëën piny de Yithriɛl.

Edhekiɛl 37:12 ပူးပေါင်းရင်းမြစ်များ

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Yith 66:14

Të lee yïn kënë tïŋ ke loi rɔt, yïn bï piɔ̈u miɛt, abï yïn tɔ ril ku tɔ yïn piɔl guöp. Ku ëtɛ̈ɛ̈n, abä jɔ ŋic nɔn ee yan Bɛ̈nydït, Yɛn ee kɔc ee ya riëëu kony ku nyuöth agönhdï kɔc ke aterdï.”

Edhekiɛl 28:25

Acïï Bɛ̈nydït Awärjäŋ lueel an, “Yɛn bï baai de Yithriɛl bɛ̈ɛ̈i ciëën në juöör wään cän keek thiäi thïn, ku abï juöör ëbɛ̈n ŋic nɔn ɣɛɛr yɛn yic. Ku abïk jɔ rëër pinyden, piny ɣɔn cä gäm awundiën Jakop.

Edhekiɛl 36:24

Wek bä ke jɔt në juöör yiic ëbɛ̈n, ku bɛ̈ɛ̈i week ciëën pinydun.

Edhekiɛl 37:13

Tën lan rɛ̈ŋ lɔ liep nïïm të wään cïï kɔckï tɔ̈ɔ̈u thïn ku bɛ̈ɛ̈i ke bei, abïk jɔ ŋic nɔn ee Yɛn Bɛ̈nydït.

Edhekiɛl 37:21

Ku lɛ̈kë keek an, Yɛn Bɛ̈nydït Awärjäŋ, Yɛn bï kɔckï lɔ bɛ̈ɛ̈i bei kedhie në juöör wään cïï kek lɔ thïn, ku määt ke yiic tëtök, ku pɔ̈k kenïïm ciëën pinyden.

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Edhekiɛl 37:4

Go lɛ̈k yɛn an, “Cäärë ee yomkë. lɛ̈kë keek an, yom cï riɛl piɛŋkï jam de Bɛ̈nydït.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Ɣodh 13:14

Bä keek wɛ̈ɛ̈r bei paan ë thuɔɔu? Nu jɔɔkku ë nou yïn thuɔɔu? Luöi këtuc, nɔ̈k! Bɛ̈ɛ̈iyë Ku nu riääkdun ë nou wek rɛ̈ŋ? Yɛn cïï piɔ̈u bï bɛ kɔn kok wo keek.

Ɣodh 6:2

Abï wook tɔ pïïr ee nïnkë yiic kaarou, ku në nïnkë yiic kadiäk abï wook jat nhial, ka wok bï bɛ rëër në Yen.

Jowɛl 3:5

Në luɔi cä wek adhɛ̈pkï nööm, ku nɔ̈mkï ateek, ku këriëëcdiën de naamde ëbɛ̈n. Ku lɛɛrkï keek ë luëk ke yiëthkun yiic.

Dhep 3:20

Kööl abɔ̈! Yɛn bï kɔckuön cï thiäi piny bɛ̈ɛ̈i wut, wek bä tɔ ŋic ë pinynɔm ëbɛ̈n, ku bɛ nyɔk në luɔi ta Yɛn we kueth. Ee Bɛ̈nydït Yen aa jam.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

1 Theth 4:16

Bɛ̈nydït guöp abï bɛ̈n piny paannhial në kiɛɛu, ku në röl ë bɛ̈ny nu ë tuucnhial nïïm, ku kaaŋ de Nhialic, go kɔc cï thou në Kërthoyic agokï röt kɔn jɔt:

Nyuuth 20:13

Ku päl wɛ̈ɛ̈r kɔc cï thou nu ë yeyic, ku päl thuɔɔu ku paan ë thuɔɔu kɔc nu ë keyiic: go löŋden guiir ŋɛk ke këde luɔide ku ŋɛk ke këde luɔide.

1 Tham 2:6

Ku Bɛ̈nydït Yen ee thuɔɔu bɛ̈ɛ̈i kekë pïïr, ee Yen ee kɔc tuɔɔc paan ë thuɔɔu, ku nyɔk ë dɔk Yen kenïïm ciëën.