Edhekiɛl 37:10 - JAM DE NHIALIC 2011

¹⁰ Guɔ cɔ̈ɔ̈r cït man cïï ë yɛn yɔ̈ɔ̈k. Go wëi lɔ në gup cï thou yiic, gokï bɛ pïïr ku kɛ̈ɛ̈ckï nhial. Aake juëc aläl ka duëërkï rem de tɔŋ lëu.

Edhekiɛl 37:10 ပူးပေါင်းရင်းမြစ်များ

Diɛt 104:30

Ku të cï Yïn ke gäm wëi, ka acï keek cak, Yïn cï pïïr cï piac looi bɛ̈ɛ̈i ë pinynɔm.

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 33:22

Yɛn bï kuën de käu de awundï Debid ŋuak nyïïn ku ŋuak kuën de bäny de kakë Nhialic ke dhiën ë Lebi, ago yic riɛl në kuën bï ë keek kueen, cït man cïï ë raan kuɛl nhial duëër kueen, ku nɔn ee rap ku liɛɛt nu ë wɛ̈ɛ̈r yɔu.”

Edhekiɛl 12:7

Yɛn cï kë cïï Bɛ̈nydït lɛ̈k ɛn looi. Në ye köölë yic yɛn cï kakï bɛ̈n duöt cï man ë raan kɔɔr tëde thiaan, na ɣɔn thëën të le ë piny ke col, guɔ päny wec kɔ̈u në yaciin, ku laar biic. Ke woi raan ëbɛ̈n, guɔ kakiën cä duöt tääu në yakët ku jäl.

Edhekiɛl 37:5

lɛ̈kë keek, Yɛn Bɛ̈nydït Awärjäŋ alɛ̈k keek an: Yɛn lɔ wëi tääu në weyiic ku bɛ week bɛ tɔ pïïr.

Nyuuth 11:11

Na wën, ë nïn kadiäk ku biäk, ke wëi ke pïïr ë ke bɔ̈ tëde Nhialic bïk ku lek ë keyiic, ku jɔkï kɔ̈ɔ̈c ë kecök, go kɔc piɔ̈ɔ̈th päu arëët kɔc wën cï ke tïŋ.