Edhekiɛl 36:36 - JAM DE NHIALIC 2011

³⁶ Ëtɛ̈ɛ̈n abïï juöör thiɔ̈k wään cï poth, abïk jɔ ŋic nɔn ee Yɛn Bɛ̈nydït, ee yɛn ë be pɛ̈ɛ̈nydït cï riɔ̈ɔ̈k nyɔk ë yïk ku bɛ duum cï riääk com. Yɛn Bɛ̈nydït Awärjäŋ, acä lueel nɔn bän ee kënë looi, ku abä looi.”

Edhekiɛl 36:36 ပူးပေါင်းရင်းမြစ်များ

Diɛt 126:2

Wok cï bɛ̈n dɔl ku këtku diɛt ë miɛtëpiɔ̈u! Go ë juöör kɔ̈k lueel ë biäkda an, “acïï Bɛ̈nydït keek luöi kagɛ̈iyë.”

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 42:10

‘Na kaarkï bäk ŋoot ke we rɛ̈ɛ̈r ee pinyë, ke we bä yïk abäk lɔ nhial, wek cä ke bï thuöör piny, wek bä com, wek cä bï cuän bei. Riääk cä yiɛ̈n week acï Yɛn tɔ jeth piɔ̈u aläl.

Edhekiɛl 17:24

Tiim tɔ̈u ee pinyë kedhie abïk ŋic nɔn ee yɛn Bɛ̈nydït, yɛn ee tim bär yiɛp piny, ku ta tiim cek dït abïk bɛ̈ɛ̈r. Yɛn ee tiim tɔ̈c tɔ biɔɔr, ku ta tiim cï riɔu tɔ tɔ̈c. Yɛn Bɛ̈nydït Awärjäŋ, yɛn aa jam. Yɛn bï kë cä lueel dhil looi.”

Edhekiɛl 22:14

Yak tak de riɛl ë piɔ̈u bï döŋ ku nɔn ee riɛl duɛ̈ɛ̈r wek we cin jat nhial të cän thök wo week? Ee yɛn Bɛ̈nydït yɛn aa jam, ku yɛn ee kë cä lueel muk.

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 34:30

Abï raan ëbɛ̈n ŋic nɔn gɛ̈l ɛn baai de Yithriɛl, ku nɔn ye kek kɔckï. Acä lueel, Yɛn Bɛ̈nydït Awärjäŋ.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

Edhekiɛl 37:14

Yɛn bï wëikï tääu në keyiic, ku bɛ ke tɔ pïïr, ku ta keek rɛ̈ɛ̈r pinyden. Ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel nɔn bän ee kënë looi, ku abä looi. Acä lueel, Yɛn Bɛ̈nydït Awärjäŋ.”

Edhekiɛl 37:28

Të lan tëdiën ɣeric tääu ëtɛ̈ɛ̈n bïï tɔ̈u në keyiic aɣet athɛɛr, ëtɛ̈ɛ̈n abïï juöör jɔ ŋic nɔn ee Yɛn Bɛ̈nydït, Yɛn cï kɔc ke Yithriɛl lɔc bïk aa kɔc ke nɔmdï.”

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 24:35

Tënhial abï nyai ayï piny, ku wëlkï acïkï bï nyai ananden.