Edhekiɛl 36:30 - JAM DE NHIALIC 2011

³⁰ Yɛn bï mïth ke tiim ee luɔk ŋuak nyïïn ku duumkun, ke cïï bï bɛ dɛk cɔŋ bï week yɔ̈ɔ̈r në juöör yiic.

Edhekiɛl 36:30 ပူးပေါင်းရင်းမြစ်များ

Diɛt 85:13

Piathëpiɔ̈u abï lɔ ë Bɛ̈nydït nɔm ku le kueer luöi yen.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Edhekiɛl 34:27

Tiim abïk luɔk ë mïth, ku duum abïk luɔk në rap, ka raan ëbɛ̈n abï rëër ke cïn kë riɔ̈ɔ̈c en pinyde. Të lan kuat rek ë kɔckï tueny, gäm ke nɔm lääu tëde kɔc cï keek tɔ ee lïïm, ëtɛ̈ɛ̈n abïk jɔ ŋic nɔn ee Yɛn Bɛ̈nydït.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Jowɛl 2:19

Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Jowɛl 2:26

Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Lebai 25:19

Piny abï luɔk në rɛɛpke, ku wek bï nïïm de këcam kaarkï ëbɛ̈n, ku wek bï rɛ̈ɛ̈r apiɛth.

Lebai 26:4

Wek bä tuöc deŋ ruël, ku piny abï luɔk në rɛɛpke, ku dhiëëth tiim mïthken.