Edhekiɛl 36:25 - JAM DE NHIALIC 2011

²⁵ Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Edhekiɛl 36:25 ပူးပေါင်းရင်းမြစ်များ

Diɛt 51:2

Waakë karɛckï wei kedhie ku tɔ ya piath guöp në karɛckï!

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Diɛt 51:9

Kum yïnyin në karɛckï, ku cuthë karɛckï bei ëbɛ̈n.

Kɛ̈ŋ 30:12

Kɔc kɔ̈k ayek röt tïŋ ke ke lɔ wai, ku ŋoot awɛ̈ɛ̈cken ke ke kënë wɛ̈ɛ̈k bei.

Yith 4:4

Ku në riɛlde Bɛ̈nydït abï löŋ guiir, ku jɔ jur tɔ ɣeric ku wɛɛk awäny de Dhiɔn wei, ku lɔ rim ɣɔn cï lɛ̈u piny ë Jeruthalem.

Yith 52:15

Ku ënɔɔnë juöör juëc acïk gäi në yen, ku meliik abïk ciën kë bekï lueel në kë de gäi. Abïk aa tïŋ ku yökkï yic yen kë ɣɔn kënkï kɔn ŋic.”

Jeremia 33:8

Abä ke waak gup në awäny de kërɛɛcdɛn wään cïk luöi yɛn ëbɛ̈n, ku abä ke päl awäny de kërɛɛcden ëbɛ̈n ku reec reec kek yɛn.

Edhekiɛl 16:9

“Na wën ke ya nöm pïïu ku waak riɛm wei ë yïguöp. Guɔ miök de olip tac ë yïguöp.

Edhekiɛl 36:17

“Mɛnh ë raan, wään ceŋ ë baai de Yithriɛl pinyden, acïk bɛ̈n dhiöök në kueer ye kek pïïr ku të ye kek käŋ luɔi thïn. Yɛn cï luɔiden bɛ̈n tïŋ ke cïï yic ɣer në biäk de ciɛɛŋ, cït man ye tik tɔ̈u në aköölkɛn ke thɛ̈k.

Edhekiɛl 36:29

Wek bä ke kony në këriëëc ee we dhiöök ëbɛ̈n. Yɛn bï rap yɔ̈ɔ̈k bïk juëc ke we cïï nïïm bï bɛ dɛk cɔk.

Edhekiɛl 37:23

Acïkï röt bï bɛ dhiöök në yiëth rackë ku cïkï röt riäk në luɔi de awɛ̈ɛ̈c. Abä ke tɔ lääu nïïm në kuɛɛrkɛn juëc ye kek awɛ̈ɛ̈c looi, ku nyiinkï Yɛn. Abä keek waak, ka abïk aa kɔckï, ku Yɛn bï aa Nhialicden.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Lebai 16:30

Në ee köölë wek bïï teem gup, ago week waak në Bɛ̈nydït nɔm, ku we bï gup jɔ piath në karɛckun kedhie.

Maika 5:12

Yɛn bï tïïtduön ë yiëth riɔ̈ɔ̈k, ka cïn kɔc bï käŋ bɛ aa caar.

Kuɛ̈n 8:7

Ku wɛ̈k bï yïn ke waak kï: Yor kegup në pïïu ke ɣɛɛr, ku tɔ ke mut kegup ëbɛ̈n në rëët, ku ë ke wak lupɔɔken ku wakkï kegup.

Jɔn 13:8

Go Petero lueel an, “Yïn cïï abï waak cök anandu!” Go Yecu bɛ̈ɛ̈r an, “Të cän yïn wak, ka cïn këduön nu ë këdï yic.”

Jɔn 3:5

Go Yecu puk nɔm an, “Yïn yɔ̈ɔ̈k ëyic an, të kënë raan dhiëëth në pïïu kekë wëi, ka cïï duëër lɔ ë ciɛɛŋ de Nhialicic.

Luɔi 22:16

Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 9:19

Aŋicku wään Mothe të cïï cök ke lööŋ ëbɛ̈n kuɛ̈n kɔc ago ke riëëu, ke jɔ rim ke miöör ku nyök bɔɔth cï liääp ë pïïu, ku nööm këër ë wɛ̈ɛ̈l cɔl ɣathop cï nhïm thith ke thök dɛɛr ë yenɔm ku joolë ke ku wïïthë ke në awerek de löŋ kɔ̈u ku kɔc gup kedhie.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.