Edhekiɛl 36:23 - JAM DE NHIALIC 2011

²³ Të lan juöör nyuöth ɣɛɛr ë yic de rinkiën dït, rin cäk yɔ̈ɔ̈r në keyiic, ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel, Yɛn Bɛ̈nydït Awärjäŋ. Wek bä keek luööi aguɔ nyuöth juöör ŋic nɔn ɣɛɛr Yɛn yic.

Edhekiɛl 36:23 ပူးပေါင်းရင်းမြစ်များ

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 5:16

Ku Bɛ̈nydït de rɛm ë dïtde nyuɔɔth në luɔi yen yic looi, ku nyooth Nhialic ɣeric ɣɛɛr ë yicde në piathëpiɔ̈nde.

Yith 52:5

Ku ënɔɔnë ë Babilonia kë cït ee kënë acï rɔt looi: wek aa pec ku acïn kë cï tääu piny ë biäkdun. Kɔc ceŋ week ayek kenïïm lɛc, ku në aköölnyïïn ëbɛ̈n ayek rinkï dhɔ̈l.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Edhekiɛl 20:42

Të puɔ̈k ɛn wenïïm piny de Yithriɛl, piny wään cän gutguut lueel an bä gäm kuarkun, ëtɛ̈ɛ̈n abäk jɔ ŋic nɔn ee yɛn Bɛ̈nydït.

Edhekiɛl 28:22

lɛ̈kë kɔc tɔ̈u ëtɛ̈ɛ̈n, kë luɛɛl në biäkden yɛn Bɛ̈nydït Awärjäŋ: yɛn ee raan de aterdun, Thidon, kɔc abïk yɛn piɔɔny në biäk de kë luöi week. Abïk ŋic nɔn ee yɛn Bɛ̈nydït, të la yɛn luɔi ɣɛɛr yɛn yic nyuɔɔth, ë luɔi bän kɔc nu në yïyic luöi këtuc.

Edhekiɛl 28:25

Acïï Bɛ̈nydït Awärjäŋ lueel an, “Yɛn bï baai de Yithriɛl bɛ̈ɛ̈i ciëën në juöör wään cän keek thiäi thïn, ku abï juöör ëbɛ̈n ŋic nɔn ɣɛɛr yɛn yic. Ku abïk jɔ rëër pinyden, piny ɣɔn cä gäm awundiën Jakop.

Edhekiɛl 38:16

Wek bï kɔckiën ke Yithriɛl mak cï amaŋ tem piny kɔ̈u. Të cï köölë bɛ̈n, wek bä ke tooc bäk pinydï lɔ peec, ke bä nyuöth juöör ya ŋa, bä ɣɛɛr de yɛn yic nyuɔɔth në kë bä looi në kueerdun.

Edhekiɛl 39:21

Go Bɛ̈nydït lueel an, “Yɛn bï juöör tɔ tïŋ dhuëëŋdï, ku nyuöth keek luɔi ee Yɛn riɛldï tɔ loi löŋdiën yic cä lueel.

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Edhekiɛl 39:27

Në luɔi bän ye nyuöth juöör juëc nɔn ɣeer Yɛn yic, Yɛn bï kɔckï bɛ̈ɛ̈i ciëën në wuöt yiic ëbɛ̈n wuöt cieŋ ë kɔc ke aterden.

Edhekiɛl 39:28

Ëtɛ̈ɛ̈n abïï kɔckï jɔ ŋic nɔn ee Yɛn Bɛ̈nydït Nhialicden. Abïk ee kënë ŋic, në biäk cïï Yɛn ke tuɔɔc ë juöör yiic, ku ënɔɔnë acä ke määt yiic, ku bɛ̈ɛ̈i ke ciëën pinyden, ke cïn raan töŋdɛn nyiëëŋë piny.

Edhekiɛl 39:7

Abä dhil looi ago kɔckiën ke Yithriɛl rinkiën ɣer yiic ŋic, ku yɛn cïï rinkï bï bɛ tɔ yäär. Ëtɛ̈ɛ̈n abï juöör jɔ ŋic nɔn ee yɛn Bɛ̈nydït, Raan Ɣeric de Yithriɛl.”

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,