Edhekiɛl 36:19 - JAM DE NHIALIC 2011

¹⁹ Acä ke bɛ̈n jɔ̈ɔ̈ny në kueerdɛn ye kek pïïr ku të ye ke kaken luɔɔi thïn, guɔ ke thiäi piny në juöör ke piiny lei yiic.

Edhekiɛl 36:19 ပူးပေါင်းရင်းမြစ်များ

Edhekiɛl 18:30

“Ënɔɔnë yɛn Bɛ̈nydït Awärjäŋ, wek lɛ̈k baai de Yithriɛl nɔn bän we luöi këtuc, ŋɛk abï aa luöi këtuc rɔ̈ŋ ke kë cï looi. Jakï röt puk në luɔi de karɛc yak looiyë yiic, ku duökï awɛ̈ɛ̈ckun tɔ riäk week.

Edhekiɛl 22:15

Yɛn bï kɔckun thiäi në wuötiic ku juööriic ëbɛ̈n, ku yɛn bï cuɔlëpiɔ̈u nyaai ë weyiic.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 39:23

Ku abïï juöör ŋic nɔn ë peec ë baai de Yithriɛl lek piny lei në biäk de awɛ̈ɛ̈c cïk luöi Yɛn. Yɛn cï rɔt yal wei tëde keek ku ta keek tiɛɛm ë kɔc ke aterden ku näkkï keek në tɔŋic.

Edhekiɛl 39:24

Acä ke gäm ke röŋ ke keek në biäk acolden ku luɔi rɛɛcden, Yɛn cï rɔt yal wei tëde keek.”

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 7:3

“Yithriɛl, thök acï bɛ̈n. Yïn bï agönhdï yök në yïguöp, në biäk luöi Ɛn yïn këtuc në biäk de kë cï looi. Yïn bä gäm ariöp de karɛckuön cï looi.

Edhekiɛl 7:8

“Në akööl lik bï bɛ̈n tueŋë, yïn bï riɛl de agönhdï yök. Yïn luöi këtuc në biäk de kë cï looi, ku yïn bä cuöl ariöp de karɛckuön cï looi ëbɛ̈n.

Lebai 26:38

Wek bï thou ë juööriic, piny de kɔc de wek ater abï week liek

Amoth 9:9

“Yɛn bï löŋ tääu piny, bä baai de Yithriɛl kïïc në juööriic ëbɛ̈n, cït man ye rap kïïc në atɛ̈ny. Ke ya bï kɔc cïn naamden nyaai.

Maika 2:10

Ka week, jatkï röt jälkï, wek cï bï bɛ lɔ̈ŋ eenë taitai. Awänydun ë piny ë Yithriɛl riɔ̈ɔ̈k ë taiwei, ka cïï duëër kɔn bɛ piath.

Romai 2:6

Ago raan ëbɛ̈n gäm këde, kë bï röŋ ke luɔidɛn cï looi.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.