Edhekiɛl 36:11 - JAM DE NHIALIC 2011

¹¹ Yɛn bï kɔc ku ɣɔ̈k tɔ kuet abïk juëc. Wek bï juëc ka wek bï täuduön thɛɛr wuöör, ku wek bï dɛk mïth juëc. Wek bä ke tɔ rɛ̈ɛ̈r ëtɛ̈ɛ̈n cït man wään rɛ̈ɛ̈r wek, ku wek bä ke tɔ kueth në kajuëc awär täuduön wään thɛɛr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.

Edhekiɛl 36:11 ပူးပေါင်းရင်းမြစ်များ

Jop 42:12

Ku Bɛ̈nydït acï runke pïïr Jop wään ciëën ë thieei yiic, awär athiɛɛi tueŋ, aa de nɔm aguum kathiëër ku ŋuan 14,000 ke thök amɛ̈l, ku aguum kadhetem 6000 ke thɔ̈rɔ̈ɔ̈l, ku aguum kaarou ke 2,000 ɣɔ̈k, ku agum töŋ de mul.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Jeremia 23:3

Yɛn bï kɔckï määtiic në wuöt cän keek thiäi thïn, ku abä keek bɛ̈ɛ̈i ciëën pinyden. Abïk dɛ mïth juëc ku ŋuak kuënden nyin.

Jeremia 23:4

Yɛn bï bäny bï keek tit lɔc. Kɔckï acïkï bï riɔ̈ɔ̈c ku cïkkï pɛ̈u wei, ku acä ke bï bɛ luöi këtuc. Acä lueel, Yɛn Bɛ̈nydït.”

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 31:27

“Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Jeremia 33:12

Acïï Bɛ̈nydït de rɛm lueel an, “Në ee pinyë yic, piny cï ciët jɔ̈ɔ̈ric ku ye të cïn kɔc ku nɔn ee läi rɛ̈ɛ̈r thïn, abï yic bɛ dɛ wal bï tïït ke thök thök bɛ tɔ lɔ nyuääth thïn.

Edhekiɛl 16:55

Keek abïk bɛ dɛ kajuëc, ku week në wuötkun we bï bɛ kiɛm piny.

Edhekiɛl 35:9

Yïn bä tɔ cïn yic kɔc aɣet athɛɛr, ku acïn raan bï bɛ rëër në pɛ̈ɛ̈nydïtku yiic. Ëtɛ̈ɛ̈n abä jɔ ŋic nɔn ee Yɛn Bɛ̈nydït.

Edhekiɛl 36:35

Abïï raan ëbɛ̈n aa lueel an, tïŋ piny wään cï kɔn aa jɔ̈ɔ̈r, acï ciët dom de Eden, ku tïŋ pɛ̈ɛ̈nydït wään cï riɔ̈ɔ̈k, ku pec keyiic ku nyiëëŋë keek piny ke ke cï riääk, ënɔɔnë acï keek bɛ ɣap ku gël keek.

Edhekiɛl 37:13

Tën lan rɛ̈ŋ lɔ liep nïïm të wään cïï kɔckï tɔ̈ɔ̈u thïn ku bɛ̈ɛ̈i ke bei, abïk jɔ ŋic nɔn ee Yɛn Bɛ̈nydït.

Edhekiɛl 37:26

Yɛn bï dɛk mät we keek män bï aa këërkëër de riëër piɛth aɣet athɛɛr. Abä ke thieei, ku ŋuak kuënden nyin, ku yɛn bï tëdiën ɣeric yïk ë keyiic, të bïï yen tɔ̈u thïn aɣet athɛɛr.

Edhekiɛl 37:6

Ku yiëk we räl ku rïŋ, ku kuöm wegup në dɛ̈l. Yɛn bï wëi tääu në weyiic ku bɛ week tɔ pïïr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.”

Ɣodh 2:1

“Wɛ̈ɛ̈tëkɔckuɔ ku nyïïrëkɔckuɔ wok ee kɔc ke Nhialic, wok cï kokëpiɔ̈u yök tëde Yen.”

Ɣodh 2:20

Yïn bä lɔc në piɔ̈n adöt, ka yïn bï Bɛ̈nydït ŋic ke ee këdu.

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Amoth 9:15

Abä ke wɛc thäär piny pinyden. Ku cïn raan bï ke bɛ nyuän thäär bei pinydɛn cä gäm keek. Ee kë cï ë Bɛ̈nydït Nhialicdun lueel.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Dhek 10:8

Acï Bɛ̈nydït lueel an, “Yɛn bï kɔckï cɔɔl ku mat keyiic tëtök. Abä keek luäk bei ë yic, ku ta keek kɛɛr arëët cït man ɣɔn tueŋ.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Nyöŋ 30:5

Aguɔkï piny bɛ nööm, piny wään cïï kuarkun kɔn cieŋ. Ku abï week tɔ kueth ku tɔ week tɔ juëc awär juëc de kuarkun ɣɔn.

Ɣeberuu 11:40

Kënë ayadäŋ ee luɔi cïï Nhialic täŋdɛn piɛth tak në këda, acïï kɔɔr Yen Nhialic luɔi bï kek ariöp de gämden guɔ yök ke wo liu thïn, ee luɔi bï yen wo tɔ dikëdik në kony de wëi Yecu Kërtho.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.