Edhekiɛl 35:9 - JAM DE NHIALIC 2011

⁹ Yïn bä tɔ cïn yic kɔc aɣet athɛɛr, ku acïn raan bï bɛ rëër në pɛ̈ɛ̈nydïtku yiic. Ëtɛ̈ɛ̈n abä jɔ ŋic nɔn ee Yɛn Bɛ̈nydït.

Edhekiɛl 35:9 ပူးပေါင်းရင်းမြစ်များ

Diɛt 109:17

Anhiaar aciɛɛn, ku tɔ aciɛɛn lööny ë yekɔ̈u! Aman bïï athiɛɛi gam, tɔ cïn raan gëm en athiɛɛi!

Jeremia 49:13

Yɛn guöp, Yɛn cïï kuëëŋ, nɔn bïï ë pänydïït de Bothera aa të bïï kɔc aa riɔ̈ɔ̈c të tïŋ ë yen, ku abï aa jɔ̈ɔ̈r, abï kɔc aa dɔl guöp, ku yek rinke tɔ aa aciɛɛn. Ku wuöt kor thiääk në yen abïk riääk aɣet athɛɛr. Acä lueel, Yɛn Bɛ̈nydït.”

Jeremia 51:62

Ku jɔ lɔ̈ŋ an ‘Bɛ̈nydït acï lueel nɔn bïï yïn ee tënë riɔ̈ɔ̈k, abïï ciën kë cak kë pïïr bï bɛ tɔ̈u thïn, ayï kɔc, ayï läi, ku abï ciët jɔ̈ɔ̈r aɣet athɛɛr.’

Edhekiɛl 25:13

Ënɔɔnë acä lueel nɔn bän Edom luöi këtuc, ku näk raan ëbɛ̈n ayï läi ëbɛ̈n ëtɛ̈ɛ̈n. Abä looi ke ye piny cï pɔ̈l, gɔl në pänydït de Teman leer pänydït de Dedan, ku kɔc abïï keek nɔ̈k në tɔŋic.

Edhekiɛl 32:29

“Edom ka ëtɛ̈ɛ̈n ke meliikke ku bänyke. Aake ye rem de tɔŋ ril ëtör, ku ënɔɔnë adhɔtkï ë piny thar paan ë thuɔɔu në kɔc kënë cueel, kɔc ɣɔn näk keek ë tɔŋic.

Edhekiɛl 35:4

Yɛn bï pɛ̈ɛ̈nydïtku nyääŋ piny ke ke cï riɔ̈ɔ̈k, ku cï pinydun pɔ̈l, Ëtɛ̈ɛ̈n abä jɔ ŋic nɔn ee Yɛn Bɛ̈nydït.

Edhekiɛl 36:11

Yɛn bï kɔc ku ɣɔ̈k tɔ kuet abïk juëc. Wek bï juëc ka wek bï täuduön thɛɛr wuöör, ku wek bï dɛk mïth juëc. Wek bä ke tɔ rɛ̈ɛ̈r ëtɛ̈ɛ̈n cït man wään rɛ̈ɛ̈r wek, ku wek bä ke tɔ kueth në kajuëc awär täuduön wään thɛɛr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.

Edhekiɛl 37:6

Ku yiëk we räl ku rïŋ, ku kuöm wegup në dɛ̈l. Yɛn bï wëi tääu në weyiic ku bɛ week tɔ pïïr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.”

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Edhekiɛl 6:7

Kɔc abï keek nɔ̈k në piny yic ëbɛ̈n, ku kɔc bïï döŋ ke ke pïïr, abïk jɔ ŋic nɔn Yan Bɛ̈nydït.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Obadaya 1:10

“Yïn bï yäär, ku yïn bï nyin riäär anandu, në luɔi wään cïn mïthëkɔckun rum, mïth ke Jakop, ku näk keek.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.