Edhekiɛl 35:13 - JAM DE NHIALIC 2011

¹³ Yɛn cï jam rɛɛc de lɛc ya wek ya jääm guöp piŋ.”

Edhekiɛl 35:13 ပူးပေါင်းရင်းမြစ်များ

2 Mel 19:28

Yɛn cï awerek jam në luɔi mëën yïn we Yɛn yök, ku luɔi yïn rɔt lɛɛc, ku ënɔɔnë yïn bä gɔn wum në alabithɔ, ku mäc yïthok joth, ku jat yïn pɔ̈k yïnɔm në kueer ɣɔn bï yïn.”

2 Lëk 32:15

Ku ënɔɔnë duökï Ɣedhekia tɔ mɛth week ku thel week wei aya. Duökï kë lueel gam! Acïn yanh de jur cï kɔcke kɔn kony tëde melik de Athiriya. Ka yanhduönë acïï week bï kony!”

2 Lëk 32:19

Ku aa ke ye jam në biäk de Nhialic de Jeruthalem në kueer ye kek jam në këde yiëth ke kɔc kɔ̈k, yiëth ë cuëc keek ë cin.

Jop 34:37

Aa awɛ̈ɛ̈cke ŋuak nyïïn në reec reec en Nhialic në wonïïm wodhie ee Nhialic bui guöp.

Jop 35:16

Acïn naamde të ŋoot yïn ke yï kuc kë luel.

Diɛt 74:18

Ku ŋic Bɛ̈nydït, nɔn ye kɔc ke aterdu Yïn dɔl guöp, nɔn cïn kek nïïm Nhialic ku yek Yïn biɔɔn guöp.

Diɛt 94:9

Nhialic Yen aa cak yïthkuɔ, cïï duëër piŋ? Aa cak nyïïnkuɔ, cïï duëër daai?

Bɛ̈n 16:12

“Yɛn ë dok de kɔc ke Yithriɛl piŋ. Abïk aa cuet në rïŋ thëën, na miäk adurduur ke ke cäm në kuïn cït man ë kë kɔɔrkï, ke bïk ŋic nɔn Yan Bɛ̈nydït Nhialicden.”

Wɛ̈ɛ̈t 10:14

Raan piɔlpiɔ̈u ee jam cuuth. Acïn raan ŋic kë bï tuöl, ku acïn raan bï wok lɛ̈k kë bï rɔt lɔ̈ɔ̈k looi në wocök.

Yith 36:20

Ee yanh de wunou cï wunde kɔn luök në melikda ciin? Ka eeŋö tɔ we tak luɔi duëër ë Bɛ̈nydït Jeruthalem luök?”

Yith 37:10

Lɛ̈kkï Ɣedhekia melik de Juda an, “Du rɔt tɔ mɛth ë Nhialicduön yak ŋɔ̈ɔ̈th në luɛɛl Yen E lɛ̈k week an cïï Jeruthalem bïï dɔm në melik de Athiriya.

Yith 37:23

Eeŋa ye tak, raan läätë ku dɔl guöp? Yïn cïï A riëëu Yɛn Nhialic Ɣeric de Yithriɛl.

Yith 37:27

Kɔc ë rɛ̈ɛ̈r ëtɛ̈ɛ̈n aake cïn nïïm riɛl, aake cï riɔ̈ɔ̈c ku mumkï nïïm. Aake cït wal cï cil ë duum yiic ku ɣööt nïïm të cïï yom tuc de aköl amiäk pɔ̈t aye ke gap wei.

Yith 37:29

Yɛn cï awerek jam në luɔi mëën yïn we Yɛn yök, ku lɛc leec yïn rɔt, ku ënɔɔnë yïn bä gɔn wum në alabithɔ, ku mäc yïthok joth, ku jat yïn pɔ̈k yïnɔm në kueer ɣɔn bï yïn.”

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Jeremia 48:26

Go Bɛ̈nydït lueel an, “Tɔ Mowap dëk abïï wiɛɛt, në biäk cï yen Ɛn rɛɛc. Mowap abï dal në ŋɔkke yiic, ku abï kɔc dɔl guöp.

Jeremia 48:42

Mowap abïï riɔ̈ɔ̈k ku acïï bï bɛ aa jur, në biäk cïï yen A rɛɛc gam.

Jeremia 7:11

Yak tak ye ɣöndiën ë Bɛ̈nydït të ye cuɛ̈ɛ̈r thiaan thïn? Yɛn cï kë luɔikï tïŋ.

Edhekiɛl 35:12

Ku ëtɛ̈ɛ̈n abäk jɔ ŋic nɔn ee Yɛn Bɛ̈nydït Awärjäŋ, raan cï ye piŋ ke yak lueel në agɔ̈th an cï kur ke Yithriɛl pɔ̈l ku yek kakuön bäk cam.

Edhekiɛl 36:3

“Cäärë, ëtɛ̈ɛ̈n, ku caalë kë luɛɛl Yɛn Bɛ̈nydït Awärjäŋ. Të le juöör thiɔ̈k we peec ku rumkï kur ke Yithriɛl, keek kedhie acïk Yithriɛl läät.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Malakai 3:13

Go Bɛ̈nydït lueel an, “Wek ee Yɛn jääm guöp në jam rac, ku yak bɛ lop an, eeŋö cuk luɛɛl ë Yïguöp?

Kuɛ̈n 12:2

Gokï lueel an, “Ee Mothe yetök yen ee jam ë Bɛ̈nydït guiir? Na wook ayadäŋ cuku jamde duëër guiir? Mothe? Kën jam aya në kueer Go Bɛ̈nydït jamden piŋ.

Kuɛ̈n 14:27

“Ee nɛn yen bïï akutnɔm cï thiäŋ në awɛ̈ɛ̈cë dok puɔ̈l në yɛn? Yɛn ë dok kithic piŋ tëde kɔc ke Yithriɛl.

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

Juda 1:15

bï kɔc bɛ̈n tɔ yök këdɛn tuc kedhie, ku bï kɔc reec Nhialic riëëu bɛ̈n jɔ̈ɔ̈ny në luɔidɛn rɛɛc cïk looi ëbɛ̈n në reec reec kek Nhialic riëëu, ku jäny kɔc në jam tuc cïk lɛ̈k en ëbɛ̈n, kek kɔc ee kërac looi kɔc reec Nhialic riëëu!”

1 Tham 2:3

Du ee cool ë jam ke yï leec rɔt, ayï jam ee yïn jam ke yï ɣɛ̈ɛ̈c yïnɔm. Në luɔi ŋic ë Bɛ̈nydït Nhialic këriëëc ëbɛ̈n, ku Bɛ̈nydït ee këriëëc ye raan ëbɛ̈n looi them.