Edhekiɛl 34:31 - JAM DE NHIALIC 2011

³¹ Aye Bɛ̈nydït Awärjäŋ lueel an. “Wek, amɛ̈lkï, luny ya cääm, wek ee kɔckï, ku yɛn ee Nhialicden.

Edhekiɛl 34:31 ပူးပေါင်းရင်းမြစ်များ

Diɛt 100:3

Ku ŋiɛckï nɔn Ye Bɛ̈nydït Nhialic. Ee Yen ë cak wook, ka wok ee kake, Wok ee kɔcke, wok ee thökke.

Diɛt 78:52

Na wën, ke jɔ kɔcke bɛ̈ɛ̈i bei cït man ë tiit, ku jɔ keek wat në jɔ̈ɔ̈ric.

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Diɛt 95:7

Yen ee Nhialinyda, wok aye kɔckɛn tiit, amɛ̈lkɛn ye cääm, piɛŋkï kë lueel ee köölë:

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Jeremia 23:1

Acï Bɛ̈nydït lueel an amawoou në bäny cï kɔc ke Bɛ̈nydït riɔ̈ɔ̈k ku thiɛ̈ikï keek piny!

Edhekiɛl 35:1

Go jam de Bɛ̈nydït bɛ̈n tëde yɛn an:

Edhekiɛl 36:38

Kek pɛ̈ɛ̈nydït tɔ̈u ke ke cï riääk ënɔɔnë, abïk bɛ thiäŋ në kɔc, cït man wään ye Jeruthalem thiäŋ ke amɛ̈l ye keek gam ke ke ye miɔ̈c näk në dhuëŋ yiic. Ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Jɔn 10:11

Yɛn ee tïn piɛth tïn ë thök: ku tïn piɛth ee wëike gaam në baŋ de thök.

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.