Edhekiɛl 34:26 - JAM DE NHIALIC 2011

²⁶ “Abä ke thieei ku ta ke rɛ̈ɛ̈r në kuurdiën ɣeric lɔ̈ɔ̈m. Abä ke jɔ thieei në nyieer ke deŋ ëtɛ̈ɛ̈n të kɔɔr kek en.

Edhekiɛl 34:26 ပူးပေါင်းရင်းမြစ်များ

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 9:16

Ku të cï mïït tïc në luätic, abä woi ke Yɛn bï a nɔm aa tak në män nu në kaam de Nhialic kekë këriëëc nu në piny nɔm ëbɛ̈n.

Diɛt 133:3

Acït thäny nu ë kuur de Ɣermon nɔm, thäny ee lööny në kur ke Dhiɔn nïïm. Të bï ë Nhialic gutguut de athiɛɛi cï lueel tääu ka, pïïr bï tɔ̈u aɣet athɛɛr.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 68:16

Eeŋö ya wek kuur cïï Nhialic lɔc bïï Yen rɛ̈ɛ̈r thïn woi në abiaan, wek kur dït de nïïm awiɛn? Bɛ̈nydït abï rɛ̈ɛ̈r ëtɛ̈ɛ̈n aɣet athɛɛr!

Diɛt 68:9

Yïn ee deŋ tɔ tueny youyou, ku tɔ pinyduön ë cï yal dëk,

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Yith 19:24

Të lee köölë bɛ̈n, Yithriɛl abï mat ke Rip ku Athiriya, ku ee juöörkë kadiäk abïk aa thiɛɛi de piny nɔm ëbɛ̈n.

Yith 32:15

Ku Nhialic abï wëike bɛ tuööc. Ago jɔ̈ɔ̈r ɣɔn cï riääk luɔk bɛ nyɔk, ku lok duum në rɛɛp juëc, ku jɔ duum ee luɔk aa roor dït.

Yith 32:20

Ee miɛtëpiɔ̈u cït ŋö bï tɔ̈u ke raan ëbɛ̈n në biäk de pïïu juëc bï kɔ̈th tɔ lok, ku wal bï piny thiɔ̈ŋ ëbɛ̈n në biäk de mul ku ɣɔ̈k.

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Edhekiɛl 34:29

Abä ke gäm duum ee ŋiëc luɔk, ku ta cɔk kääc ë piny yic. Acïï juöör kɔ̈k keek bï bɛ aa dhɔ̈l gup

Edhekiɛl 36:8

Ku në kur ke Yithriɛl nïïm tiim abïk bɛ ciɛl ku abïk yïth cil, ku lokkï në mïth në biäk de kɔckiën ke Yithriɛl. Wek bï bɛ̈n pinydun në ee nïnkë yiic.

Jowɛl 2:23

Miɛtkï piɔ̈ɔ̈th kɔc ke Dhiɔn, dalkï në kë cï Bɛ̈nydït Nhialicdun luöi week. Acï deŋ dap tɔ këër week në ɣɛɛr de yenpiɔ̈u. Acï dëŋ dït bɛ tɔ tueny cït man ɣɔn tueŋ: dëŋ yaak, ku dëŋ anyɔ̈ɔ̈c.

Lebai 25:21

Wek bä tuöc athiɛɛi dït në ruöön de dhetem, ka pinydun abï luɔk në rɛɛp ke run kadiäk.

Lebai 26:4

Wek bä tuöc deŋ ruël, ku piny abï luɔk në rɛɛpke, ku dhiëëth tiim mïthken.

Dhek 10:1

Liɛpkï Bɛ̈nydït në deŋ yaak. Ee Bɛ̈nydït yen ee luät ke deŋ bɛ̈ɛ̈i, ku tɔ deŋ tueny, go këriëëc de raan ëbɛ̈n luɔk domic.

Dhek 8:12

Abïk aa com të cïn riɔ̈ɔ̈c. Ku tiimkɛn ke enap abïk aa luɔk apiɛth, ku piny abï ya luɔk në këriëëc ëbɛ̈n, ku deŋ abï dït arëët. Yɛn bï kɔckiën lik cï döŋ gäm ee kakë kedhie.

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Luɔi 14:17

Ku akën rɔt pɔ̈l të cïn cäätɔde tei, aaye cool ë loi luɔi piɛth, ee wo miɔɔc në deŋ bɔ̈ nhial ayï pɛɛi ee käŋ luɔk, go wo tɔ kueth ë këcam abuk piɔ̈ɔ̈th miɛt.”

Nyöŋ 28:12

Abï week yiɛ̈n deŋ në aköölkë yiic, në adhaandɛn nu tënhial, ku thieei luɔidun ëbɛ̈n, ka wek bï juöör juëc aa dhɛ̈ɛ̈n, ku wek cïï bï aa dhëën tëde kɔc.