Edhekiɛl 34:24 - JAM DE NHIALIC 2011

²⁴ Yɛn Bɛ̈nydït Awärjäŋ, Yɛn bï ya Nhialicden, ku melik cït awundiën Debid abï aa bɛ̈nyden. Acä lueel.

Edhekiɛl 34:24 ပူးပေါင်းရင်းမြစ်များ

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 55:4

Acä looi ke ye bɛ̈ny, ku ye bɛ̈ny tueŋ de juöör, ku në kueerde yɛn cï riɛldï bɛ̈n nyuöth keek.

Jeremia 30:21

Wën melikden abï aa raan ë jurden guöp, ku bɛ̈nyden abï aa bɛ̈n ë kɔcken yiic. Abï aa bɛ̈n tëde Yɛn të cän ye cɔɔl, ku eeŋa duëër bɛ̈n ë Yalɔ̈ɔ̈m ke kënë cɔɔl?

Jeremia 30:9

Ku abïk Yɛn aa luööi, Yɛn Bɛ̈nydït Nhialicden, ku luuikï kuat de Debid, raan bä tɔ ee melik.

Jeremia 31:1

Aye Bɛ̈nydït lueel an, “Në ee köölë, Yɛn bï aa Nhialic de ɣööt ke Yithriɛl kedhie, ku abïk aa kɔckï.”

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 32:38

Ku abïk aa kɔckï, ku Yɛn bï aa Nhialicden.

Edhekiɛl 20:5

lɛ̈kë keek kë ya lueel. Wään lac ɛn Yithriɛl, acä ke gäm gutguut. Yɛn cï rɔt nyuöth keek ë Rip ku lɛ̈k keek: an yɛn ee Bɛ̈nydït Nhialicdun.

Edhekiɛl 20:7

Acä lɛ̈k keek bïk yiëth rackë cuat wei, yiëth nhiaarkï, ku cïkkï röt bï tɔ de acuɔl, në yiëth alueth ke Rip, në biäk yan Bɛ̈nydït Nhialicden.

Edhekiɛl 21:27

Riääk, riääk! Ɣɛɛ, yɛn bï pänydït tɔ riääk. Ku kënë acïï rɔt bï looi, agut të bï raan töŋë wään cä lɔc bïï pänydït bɛ̈n luöi këtuc bɛ̈n. Tëde yen abä gäm.

Edhekiɛl 36:28

Ku ëtɛ̈ɛ̈n we bï jɔ rëër piny cä gäm kuarkun,. Wek bï aa kɔckï, ku Yɛn bï ya Nhialicdun.

Edhekiɛl 37:22

Abä ke mat yiic ke ke ye jur tök pinyden, në kuur de Yithriɛl nɔm. Abïk nïïm dɛk meliŋ tök bï ke cieŋ, ku acïï ke bï bɛ tek yiic bïk aa juöör kaarou, ku cïï ke tek yiic bïk aa ciɛɛŋ kaarou.

Edhekiɛl 37:23

Acïkï röt bï bɛ dhiöök në yiëth rackë ku cïkï röt riäk në luɔi de awɛ̈ɛ̈c. Abä ke tɔ lääu nïïm në kuɛɛrkɛn juëc ye kek awɛ̈ɛ̈c looi, ku nyiinkï Yɛn. Abä keek waak, ka abïk aa kɔckï, ku Yɛn bï aa Nhialicden.

Edhekiɛl 37:24

Melik cït awundï Debid yen abï aa melikden. Abïk keyiic mat kedhie në melik tök cök, ku abïk lööŋkï aa riëëu.

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Edhekiɛl 37:27

Yɛn bï rëër ëtɛ̈ɛ̈n wo keek, ku Yɛn bï aa Nhialicden ku abïk aa kɔckï

Edhekiɛl 39:22

Abïï baai de Yithriɛl jɔ ŋic ënɔɔnë lee tueŋ, nɔn ee Yɛn Bɛ̈nydït Nhialicden.

Edhekiɛl 44:3

Wën melik mac baai, aduëër tëëk ke lɔ cam në kuïn ɣeric të täu ɛn thïn. Abï aa lɔ thïn ku jiël ke lɔ biic në ɣöt thok biäk thïn.”

Edhekiɛl 45:7

Piny bï bäny cieŋ acï guiir pei aya. Gɔl në aken tɔ̈u të lɔ aköl athɛ̈i de biäk ɣeric, ɣeet të lɔ në Wɛ̈ɛ̈rdïït ɣer, ku gɔl në aken tɔ̈u të lɔ aköl amiäk ɣeet të lɔ aköl amiäk de baai, ago bɛ̈ɛ̈rde thöŋ kekë biäk töŋ cï gäm dhiëën ke Yithriɛl.

Edhekiɛl 48:21

Në baŋ de aköl amiäk ku aköl athɛ̈i de piny tɔ̈u tëɣeric thïn, ku piny de bäny ke kake Nhialic, ku piny de kɔc ke Lebai, ku piny de pänydït, piny cï döŋ ee këde wën melik mac baai. Ee ɣeet aken nu në aköl amiäk ku biäk të la aköl athɛ̈i de Wɛ̈ɛ̈rdïït ɣer, ku ade akeu kekë Juda në biäk de rut, ku të lɔ wöuwic ade akeu kekë Benjamin.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

1 Kor 15:25

Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden: