Edhekiɛl 34:23 - JAM DE NHIALIC 2011

²³ Abä ke gäm melik cït awundiën Debid bï ya tïndɛn tök, ku abï ke gël.

Edhekiɛl 34:23 ပူးပေါင်းရင်းမြစ်များ

Diɛt 78:71

Të ee yen lunyde tiit, ku tɔ ye melik de Yithriɛl, raan ee kɔc ke Nhialic tiit.

Diɛt 89:49

Bɛ̈nydït, nu nhiëër agɔk wään ënou? Nu ënou yen kuëëŋ wään cï lɛ̈k Debid?

Wɛ̈ɛ̈t 12:11

Jiɛɛm ke kɔc pelnïïm acïtkï thieec ye ɣɔ̈k dɔk, ku kɛ̈ŋ cï määtiic ayek tɔ̈u cït löny cï piäät piny aril, aake gɛmë në Tïn töŋ cɔl Nhialic.

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Jeremia 3:15

Wek bä gäm bäny bï ya riëëu, ku abïk we mac në pɛlënɔm ku yöŋ de käŋiic.

Jeremia 30:21

Wën melikden abï aa raan ë jurden guöp, ku bɛ̈nyden abï aa bɛ̈n ë kɔcken yiic. Abï aa bɛ̈n tëde Yɛn të cän ye cɔɔl, ku eeŋa duëër bɛ̈n ë Yalɔ̈ɔ̈m ke kënë cɔɔl?

Jeremia 30:9

Ku abïk Yɛn aa luööi, Yɛn Bɛ̈nydït Nhialicden, ku luuikï kuat de Debid, raan bä tɔ ee melik.

Jeremia 33:14

Go Bɛ̈nydït lueel an, “Akööl abïkï akööl bän gutguut cä lɛ̈k baai de Yithriɛl kekë baai de Juda looi.

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 34:15

Yɛn guöpdï Yɛn bï aa tïn de amɛ̈lkï, ku abä ke kɔ̈ɔ̈r të bïï kek lɔ̈ŋ. Acä lueel, Yɛn Bɛ̈nydït Awärjäŋ.

Edhekiɛl 37:22

Abä ke mat yiic ke ke ye jur tök pinyden, në kuur de Yithriɛl nɔm. Abïk nïïm dɛk meliŋ tök bï ke cieŋ, ku acïï ke bï bɛ tek yiic bïk aa juöör kaarou, ku cïï ke tek yiic bïk aa ciɛɛŋ kaarou.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Jɔn 10:11

Yɛn ee tïn piɛth tïn ë thök: ku tïn piɛth ee wëike gaam në baŋ de thök.

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”