Edhekiɛl 34:2 - JAM DE NHIALIC 2011

² “Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Edhekiɛl 34:2 ပူးပေါင်းရင်းမြစ်များ

2 Tham 5:2

Ayï ɣɔn ye Thaulo melik, ee yïn ë wɛt kɔc ke Yithriɛl tɔŋ. Ku acïï Bɛ̈nydït lɛ̈k yïn nɔn bï yïn aa tïn ë kɔc ke Yithriɛl ku yïn bï aa bɛ̈nyden.”

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Jeremia 10:21

Aguɔ bɛ̈ɛ̈r an, “Bänykuɔ ayek dhän, acïkï Bɛ̈nydït ee luɔp bïï ke wat. Yen kën ë tɔ keek löny ka, ku kɔckuɔ acï keek thiɔ̈i.

Jeremia 12:10

Bäny juëc ke juöör kɔ̈k acïk domdï riɔ̈ɔ̈k, acïk duumkï duöm piny, acïk pinydiën piɛth tɔ ee jɔ̈ɔ̈r.

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 23:1

Acï Bɛ̈nydït lueel an amawoou në bäny cï kɔc ke Bɛ̈nydït riɔ̈ɔ̈k ku thiɛ̈ikï keek piny!

Jeremia 3:15

Wek bä gäm bäny bï ya riëëu, ku abïk we mac në pɛlënɔm ku yöŋ de käŋiic.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Edhekiɛl 22:25

Bäny acïk ciët kɔ̈ɔ̈r kïïu ë läi cïk nɔ̈k kɔ̈ɔ̈th. Ayek kɔc nɔ̈k, ku nömkï wëu kedhie, ku kakɛn cïk yök, ku në nääkdɛn ye kek kɔc nɔ̈k acïk diëër abɛɛr juëc nyääŋ piny.

Edhekiɛl 33:24

“Mɛnh ë raan, aye kɔc rɛ̈ɛ̈r në pɛ̈ɛ̈ny cï riɔ̈ɔ̈k nu piny de Yithriɛl lueel an: Abraɣam aaye raan tök, ku acï bɛ̈n gäm piny ëbɛ̈n. Ku ënɔɔnë wok cï dɛ kɔc juëc, ka ënɔɔnë piny ee këda.

Edhekiɛl 34:1

Go jam de Bɛ̈nydït bɛ̈n tëde yɛn an:

Edhekiɛl 34:14

Abä ke tɔ nyuäth ke ke cïn riɔ̈ɔ̈c në kur nïïm të piɛth cï päl keek ke ye tëde nyuäth, në wɛ̈k yiic ku në ɣään tɔ̈c ke piny de Yithriɛl yiic ëbɛ̈n.

Edhekiɛl 34:15

Yɛn guöpdï Yɛn bï aa tïn de amɛ̈lkï, ku abä ke kɔ̈ɔ̈r të bïï kek lɔ̈ŋ. Acä lueel, Yɛn Bɛ̈nydït Awärjäŋ.

Amoth 6:4

Amawoou në week, wek kɔc ee wekɔ̈ɔ̈th tääc në biök piɛth yiic, ku rëërkï në thöckun nïïm, ku yak cuet në nyök ke thökkun yiic, ku miöör në ɣɔ̈kkun yiic!

Dhek 11:17

Amawoou në tïn cïn naamdeyë acï luöi këtuc! Ë lunyde päl wei. Riɛlde abï tɔŋ nyaai taitai. Abï kök wiɛɛu, ku cɔɔr nyin cuënyde.

Jɔn 10:8

Kɔc cï kɔn bɛ̈n ë yanɔm tueŋ kɔc kedhie, ayek cuɛ̈ɛ̈r, kɔc ee kual, ago thök këden cuö piŋ.

Luɔi 20:26

Yɛn cï guɔ aa cäätɔ ë wenïïm ee köölë an, Riɛm ë raan ëbɛ̈n aliu ë yayeth.

Luɔi 20:29

Aŋiɛc nɔn bï aŋuööth rac lɔ̈ɔ̈k bɛ̈n ë weyiic, të cän jäl, aŋuööth cïï luny bï pɔ̈l.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

2 Kor 12:14

Tiëŋkï, yɛn ë cök aa rou tëde week, ku diëŋden kï, yɛn jɔ bɛ̈n, ku kakun acä ke bï aa cäm lɛ̈ɛ̈ny: acie kakun ke kaar, ee wegup wek kaar, acïï piɛth luɔi bï mïth kɔc ë dhiëth ke kuɛ̈t käŋ, ee kɔc ë dhiëth mïth kek aye käŋ kuɛ̈t mïthken.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Juda 1:12

Kɔckë ayek kuur cï thiaan këcamduön ë nhiëëric, të ye kek rɔm ë week ëtök ë këcam, ku yek këyäc thiɔ̈ɔ̈ŋ ke ke cïï riɔ̈c, ayek luäät cïn yiic pïïu, luäät ee yom kuaath. Acïtkï tiim ee mïthken dap yom, agokï cuö lok, tiim ruël cï thou raanrou, ago ke wöth bei në meiken.