Edhekiɛl 34:18 - JAM DE NHIALIC 2011

¹⁸ Kɔc kɔ̈k ë wek yiic, akënkï piɔ̈ɔ̈th röŋ në cäm de wal piɛth, wek ee wal kënkï cam dum yiic në wecök! Wek ee pïïu lɔ nyïïn top dek, ku dhuöthkï ka kɛ̈nkï keek dek në tiɔ̈k!

Edhekiɛl 34:18 ပူးပေါင်းရင်းမြစ်များ

Cäk 30:15

Go Liya puɔ̈k nɔm en an, “Kɛ̈në loi në luɔi cïn monydï rum? Kɔɔr nɔn be yïn wal ke manderek ke mɛnhdï nööm ayadäŋ?” Go Racel puɔ̈k nɔm en an, “Na ee yeka, ka bï lɔ tɔ̈c ke yïn në ë wɛ̈ɛ̈rë yic, në këde wal ke manderek ke wëndu.”

2 Tham 7:19

Ku kënë acie këdït tëde yïn, Bɛ̈nydït Nhialic ku yïn cï yɛn luöi gutguut në biäk de käudï wadäŋ. Kënë acï tɔ tiëŋ, kënë ee lɔ̈ŋ de mɛnh ë raan Bɛ̈nydït Nhialic.

Kɛ̈ŋ 25:26

Raan piɛth piɔ̈u cïï raan ee karɛc looi ee jɔ̈ɔ̈ny, Acït nyin cïï pïïuke dhuööth ku awaŋ cïï pïïuke riääk.

Yith 32:6

Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 7:13

Go Yithaya bɛ̈ɛ̈r an, “Piɛŋkï ënɔɔnë wek kuat ë melik Debid. Arac aläl tëde week bäk kɔc tɔ bäp piɔ̈ɔ̈th, ku kaarkï bäk Nhialic tɔ bäp piɔ̈u aya?

Edhekiɛl 16:20

“Na wën ke yï jɔt mïth wɛ̈t ku duet cï dhiëth ɛn, ku lɔ ke gam ke ke ye miɔ̈c näk de yiëth. Ë cïï rac arëët luɔi cïï yïn adöt tëde yɛn,

Edhekiɛl 16:47

E yï kën piɔ̈u kuɛth we luɔi kuɛny yïn keek cök në pïïrdɛn rac yic? Ei, yïn aa nöm kaam thiinakäŋ, ku go karɛc wär ka wään yek looi ëbɛ̈n guɔ looi.

Edhekiɛl 32:2

“Mɛnh ë raan, jäny melik de Rip aläldïïtë. lɛ̈kë ee jamdiënë: yïn ee käŋ looi cï köör në juöör yiic, ku yïn cït nyaŋ ee bok kiir. Yïn ee pïïu tup nyïïn në yïcök abï pïïu ke kiɛɛr tuööp.

Edhekiɛl 34:19

Amɛ̈lkiën kɔ̈k abïk wal cäk keek dum yiic dhil nyuööth, ku dekkï pïïu cäk keek dhuth në tiɔ̈k.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Kuɛ̈n 16:13

Kɛ̈në loi në biäk cï yïn wo jɔt ë Rip, piny ee wat ë ca ku miök ë kiëc, ku bä wo bɛ̈n tɔ thou në jɔ̈ɔ̈ric eenë?

Kuɛ̈n 16:9

Luɔi cïï Nhialic de Yithriɛl we kuɛ̈ny bei në akutnɔm de Yithriɛl yic ëbɛ̈n, ku tɛ̈ɛ̈u week në kenïïm yak yök ee ke piɔlic? Nɔn ya wek ɣet në yelɔ̈ɔ̈m, ku luööikï Nhialic në paany de mätic, ku luööikï amatnɔm de Yithriɛl ayadäŋ rɛɛc?

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Luk 11:52

“Amawoou në week, wek bäny ke löŋ! Wek cï gäärgäär de ŋïnydekäŋ jɔt, wegup wek kën lɔ ɣöt, ku kɔc wën an, lek ɣöt, acäk ke pëën!”