Edhekiɛl 34:16 - JAM DE NHIALIC 2011

¹⁶ “Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Edhekiɛl 34:16 ပူးပေါင်းရင်းမြစ်များ

Diɛt 147:3

Ee kɔc cï piɔ̈ɔ̈th jiɛth tɔ piɔl gup ku duut bɔ̈ɔ̈tken nyïïn.

Diɛt 72:2

Ago kɔcku muk në piathëpiɔ̈u ku muk kɔc yɔŋ keek në yic.

Yith 1:5

Eeŋö ŋuɔɔt wek ke we jai? Kaarkï bï wo luöi këtuc aläl? Yithriɛl, nɔmdu ka cï thiäŋ ke tëtöök ku piɔ̈ndu ëbɛ̈n ayï täŋdu, acï jɔk ke dɔm.

Yith 10:16

Abïï Bɛ̈nydït de rɛm keek luöi këtuc ku tuc keek jɔŋ bï rem de tɔŋ cï ŋiëc muk dɔm ëbɛ̈n. Abïï ke dɛ̈ɛ̈p gup në mac ku be ke dɛ̈ɛ̈p gup.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 5:17

Në wuöt cï riääk yiic amɛ̈l ku bɔɔth abïk aa lɔ nyuäth ëtɛ̈ɛ̈n.

Jeremia 10:24

Bɛ̈nydït, kiɛmë kɔcku piny, ku du wo lui këtuc arëët, du lui këtuc të cï Yïn gɔ̈th, kënë aduëër aa thökda.

Jeremia 23:15

“Ku kë luɛɛlkï, Yɛn Bɛ̈nydït de rɛm, në biäk de tït ke Jeruthalem: Abä keek gäm wɛ̈ɛ̈l kec bïk cam, ku wurïï bïk dek, në biäk cï kek, wɛ̈ɛ̈t cïn yic Nhialic wɛ̈ɛ̈t ë baai yic ëbɛ̈n.”

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 31:8

Abä ke bɛ̈ɛ̈i të lɔ rut, ku määt ke yiic në aguut ke piny. Cɔɔr ayï ŋɔl abï bɛ̈n ke keek, ku bɔ̈ diëër liac ku diëër kɔɔr dhiëth. Abïk bɛ̈n ciëën ke ke ye jurdït.

Jeremia 50:11

Aye Bɛ̈nydït lueel an, “Wek kɔc ke Babilonia, wek cï jurdï rum. Wek mitpiɔ̈ɔ̈th ku lak piɔ̈ɔ̈th yum, wek wïïl piny cï weŋ käm rap, ku ciëtkï jöŋgör kïïu,

Jeremia 50:6

“Kɔckï acïk ciët amɛ̈l cïn tïn ee keek tiit, aye ke tɔ mär në kur yiic. Ayek jɔ tai cï thök, ayek jäl në kuurë nɔm ku lekkï ë kuurë nɔm, ku acïk nïïm määr në të tɔ̈u ë baaiden.

Jeremia 9:15

Ka ënɔɔnë jakï kë bä looi piŋ, Yɛn Bɛ̈nydït de rɛm, Nhialic de Yithriɛl. Yɛn bï kɔckï gäm wɛ̈ɛ̈l kec bïk cam, ku gäm ke wurïï bïk dek.

Edhekiɛl 20:34

Wek bä nyuöth riɛldï ku agönhdï, të lan week lɔ määt yiic tëtök, ku bɛ̈ɛ̈i week ciëën në wuöt ke piny nɔm yiic ëbɛ̈n, ɣään wään cïï ë week thiäi thïn.

Edhekiɛl 24:5

Nöm rïŋ de amäl piɛth, thiäŋ töny thar ë tiim. Tɔ pïïu piäär, thal yom ku rïŋ.”

Edhekiɛl 34:11

“Yɛn Bɛ̈nydït Awärjäŋ, alɛ̈k week nɔn bän amɛ̈ldiën cï määr kɔɔr në yɛn ku tiɛɛt keek në yɛn

Edhekiɛl 34:4

Wek kën ka kɔ̈c kɔn tïït, ku takï ka tök gup piɔl, ku kɛ̈nkï ɣään töök ke ka de gup bɔ̈ɔ̈t duut, ku kɛ̈nkï thök cï määr lɔ puk nïïm ciëën, ku nɔn lak ka cï määr kɔɔr, ayak keek luööi ke ke yaŋkï keek.

Edhekiɛl 39:18

Abïk gup ke rem de tɔŋ bɛ̈n cuet, ku dekkï rim ke bäny cieŋ pinynɔm, keek kedhie abïï keek nɔ̈k cït nyök ke amɛ̈l, ku nɔn ee kek nyök bɔɔth, ku nɔn ee miöör.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Dhep 3:19

Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.

Dhek 10:3

Aye Bɛ̈nydït lueel an, ‘Yɛn ë piɔ̈u diu arëët wökë tïït, yɛn bï bäny luöi këtuc. Kɔc ke Juda ayek kɔckï ku abä keek tiit në yɛn Bɛ̈nydït de rɛm guöpdï. Abä ke tɔ cït jöŋgöör amiɔ̈l në kööl ë tɔŋ.

Math 15:24

Go bɛ̈ɛ̈r an, “Yɛn aa cïï tucë kɔc kɔ̈k, yɛn a tucë amɛ̈l cï määr amɛ̈l ke baai de Yithriɛl tei, keek kapäc.”

Mak 2:17

Na wën, aacï Yecu ye piŋ ke ke yöök an, “Kɔc piɔl gup acïkï akïïm ee kɔɔr, ee kɔc tök tei: yɛn ëcïï bɔ̈ bä kɔc piɛthpiɔ̈ɔ̈th bɛ̈n cɔɔl, në puŋ bï kek kepiɔ̈ɔ̈th puk, ee kɔc ë kërac looi, kek abä bɛ̈n cɔɔl.”

Luk 19:10

Wën ë Raan aa bɔ̈ bï kë cï määr bɛ̈n kɔɔr, ku bï bɛ̈n kony wëi.”

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.