Edhekiɛl 33:8 - JAM DE NHIALIC 2011

⁸ Na luɛɛl en an raan ee karɛc looiyë abï thou, ku akënë lɔ jɔ̈ɔ̈ny bïï kueerdɛn ë pïïr waar yic ago kony wëi ke cïï bï thou, ke raanë abï thou ke ye de guöp awɛ̈ɛ̈c, ku yïn gɔ̈k në këde thon ee raanë.

Edhekiɛl 33:8 ပူးပေါင်းရင်းမြစ်များ

Cäk 2:17

Ku tim de ŋïny de käŋ, kapiɛth ku karɛc yetök. Yen acïn mïthke bï cam, ku kööl le yïn e cam, yïn bï thou.”

Cäk 3:4

Go kërac puɔ̈k nɔm tik an, “Kënë acie yic, wek cï bï thou.

Kɛ̈ŋ 11:21

Ŋiɛckï ëgɔk nɔn cïï kɔc ee karɛc looi bï pɔ̈l ke ke kënë kuum, ee kɔc piɛth piɔ̈ɔ̈th kek bï kony wëi.

Wɛ̈ɛ̈t 8:13

Ku acïï bï dikëdik kekë kɔc ee karɛc looi. Acïkï bï ceŋ, cït man atiëp, në biäk cïï kek Nhialic ee riëëu.

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Edhekiɛl 18:18

Wun aaye kɔc math ku rum kɔc, ku ye cool ë lui kërac raan ëbɛ̈n. Abï jɔ thou në biäk de awɛ̈ɛ̈c cï ke looi yen guöpde.

Edhekiɛl 18:20

Ee yen raan ee kërac looi yen abï thou. Meth acïï duëër gum në biäk de awäny de wun, ayï wun meth acïï duëër gum në biäk de awäny ë mɛnhde. Raan piathëpiɔ̈n abïï gäm ariöp de kapiɛth cï looi, ku raan ee karɛc looi abï gum në biäk de karɛc cï looi.

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Edhekiɛl 3:18

Na luɛɛl en an raan ee karɛc looi abï thou, ku kɛ̈në jɔ̈ɔ̈ny ke bï pïïrdɛn de luɔi de karɛc waar, ke bï wëike kony, abï thou ke ŋoot ke de guöp awɛ̈ɛ̈c, ku yɛn bï gääk de thonde tääu në yïyeth.

Edhekiɛl 33:14

Yɛn bï raan ee karɛc looi yɔ̈ɔ̈k nɔn bï yen thou, ku na pɛ̈l luɔidɛn awɛ̈ɛ̈c ku looi yic ku këpiɛth,

Edhekiɛl 33:6

Ku na cï tïït kɔc ke ater tïŋ ke ke bɔ̈ ku cïï kaaŋ koth, ke kɔc ke ater abïk bɛ̈n bïk kɔc de gup awɛ̈ɛ̈cë bɛ̈n nɔ̈k, ku yɛn bï gääk tääu në tïït yeth në biäk de thon ee kɔckë.

Kuɛ̈n 27:3

“Wääda acï thou në jɔ̈ɔ̈ric. Acïï thou kekë kɔc ɣɔn cï mat në Kɔra ku göthkï në Bɛ̈nydït. Ee kë lɛɛn ë thou në kërɛɛcde pei yetök. Ku aa thou ke cïn nɔm mïthwät.