Edhekiɛl 33:30 - JAM DE NHIALIC 2011

³⁰ Go ë Bɛ̈nydït lueel an, “Mɛnh ë raan, kɔckun ayek yï jääm guöp të cïï kek lɔ mat në pɛ̈ɛ̈ny ke pänydït kɔ̈u ku në kuɛɛr ke ɣöötken thook. Ayek lɛ̈k röt an, ‘Lokku ku piŋku ee jam ŋö cï bɛ̈n tëde Bɛ̈nydït ënɔɔnë.’

Edhekiɛl 33:30 ပူးပေါင်းရင်းမြစ်များ

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 23:35

Abïk määthken ku kɔcken dhil aa luɔp an, ‘Ë bɛ̈ɛ̈r ë Bɛ̈nydït yen adï? Eeŋö cïï ë Bɛ̈nydït lueel?’

Jeremia 42:20

wek bï awäny rac looi. Wek cï ya thiëëc bä Bɛ̈nydït Nhialicda lɔ̈ŋ në biäkdun, ku wek cï gutguut lueel nɔn bä wek kë cï lueel ëbɛ̈n looi.

Edhekiɛl 14:3

“Mɛnh ë raan, kɔckë acïk kepiɔ̈ɔ̈th gäm yiëth ku tɔkï yiëth wɛt keek në rɛ̈ɛ̈cic. Yek tak bä ke gäm këdɛn kɔɔrkï?

Edhekiɛl 20:3

“Mɛnh ë raan, jamë wek ee röördït ku lɛ̈kë keek an acïï Bɛ̈nydït Awärjäŋ lueel an: ‘Wek cï bɛ̈n bäk këde piɔ̈ndï kɔɔr, cie tɔ̈u de ka? Në yic, ke ya ye Nhialic pïïr. Acä lueel, Yɛn Bɛ̈nydït Awärjäŋ.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 33:29

Na lɔ kɔc luöi këtuc në biäk de awɛ̈ɛ̈cken, ku ta piny päl, ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Math 15:8

“Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook, Ku piɔ̈nden amec kek yɛn.