Edhekiɛl 33:28 - JAM DE NHIALIC 2011

²⁸ Yɛn bï piny tɔ cïnic raan ceŋ en, ku riɛl wään ye kek röt lɛɛcë abï thök. Kur ke piny de Yithriɛl abïk aa roor, ka cïn raan bï bɛ aa tëëk ëtɛ̈ɛ̈n ë keyiic.

Edhekiɛl 33:28 ပူးပေါင်းရင်းမြစ်များ

2 Lëk 36:21

Go jam de Bɛ̈nydït aa yic, jam ɣɔn cï lɛ̈k Jeremia an, “Aɣet të bï pinydun döŋ yetök ke cïn raan nu thïn. Në run kathiërdhorou yiic, acï lɔ̈ŋ de kööl ë Thabath guɔ looi.”

Yith 41:15

We bä tɔ cït tim de käm de rap, tiim piɛth cï piac looi ku amoth. Wek bï kur kɔ̈ɔ̈m ku riäkkï keek, ku kur kor abïk kuɛɛm cït abuui.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 16:16

Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 25:11

Yen ee pinyë ëbɛ̈n abï nyääŋ piny ke cï riääk, ku ye të rac ë tïŋ, ku juöör thiääk ë week abïk melik de Babilonia aa luööi në run kathiërdhetem.

Jeremia 44:2

An acïï Bɛ̈nydït de rɛm, Nhialic de Yithriɛl Lueel an, “Wek cï riääk cï yiɛ̈n Jeruthalem kekë pɛ̈ɛ̈nydït kɔ̈k ke Juda kedhie tïŋ ë we nyïïn. Cakaa ënɔɔnë aŋootkï ke ke cï riääk, ku acïn raan ceŋ keek,

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 44:6

Yeka cän agönhdï ku jiɛthëpiɔ̈ndï wäl ë pɛ̈ɛ̈nydït ke Juda yiic ku kuɛɛr ke Jeruthalem yiic, ku nyuɔp ke në mac. Acïk döŋ ke ke cï riääk, agut cï ee köölë.

Jeremia 52:27

tɔ̈u piny de Ɣamath. Ku acï ë melik keek bɛ̈n tɔ dui ëtɛ̈ɛ̈n, ku tɔ keek näk. Ago kɔc ke Juda jɔ peec pinyden ku leer ë keek piny lei.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 15:8

Acïkï ye adööt tëde Yɛn, ka yɛn bï piny tɔ ye jɔ̈ɔ̈r.” Bɛ̈nydït Awärjäŋ yen aa jam.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 33:29

Na lɔ kɔc luöi këtuc në biäk de awɛ̈ɛ̈cken, ku ta piny päl, ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Edhekiɛl 36:4

Ka ënɔɔnë piŋ kë luɛɛl Yɛn Bɛ̈nydït Awärjäŋ, lɛ̈kë ee kurkë ku kur kor, ku nyïïn ku wɛ̈k, ku ɣään cï nyääŋ piny ke ke cï riääk, ku pɛ̈ɛ̈nydït cï nyääŋ piny cï ke yak yiic, ku ye ke dɔl gup në juöör thiääk në week.

Edhekiɛl 5:14

Kɔc ke juöör thiääk ë week ëbɛ̈n, kɔc ee tëëk ëtɛ̈ɛ̈n, abïk yïn aa dɔl guöp, ku mëëckï röt në week.

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Edhekiɛl 7:24

Yɛn bï juöör rac arëët bɛ̈ɛ̈i ëtënë ku ta ke nöm ɣöötkun. Kɔckuön ril abïk ciën aŋäth të lan ɣäänkuön ɣeriic bɛ̈n riɔ̈ɔ̈k.

Lebai 26:19

Yɛn bï lɛcduön dït dhoŋ kɔ̈u, ku ta nhial tɔ cït wëëth ë wenïïm ku ta piny tɔ cït ayööm ë wecök.

Maika 7:13

Ku piny abï ya jɔ̈ɔ̈r, në biäk cïï kɔc cieŋ en kërac looi.

Dhep 1:2

Acïï Bɛ̈nydït lueel an, “Këriëëc ëbɛ̈n abä riɔ̈ɔ̈k në pinynɔm,