Edhekiɛl 33:27 - JAM DE NHIALIC 2011

²⁷ “Lɛ̈kë keek an Yɛn Bɛ̈nydït Awärjäŋ ajääny keek, në yic, kɔc rɛ̈ɛ̈r në pɛ̈ɛ̈ny cï riɔ̈ɔ̈k yiic abïï ke nɔ̈k. Kɔc rɛ̈ɛ̈r në wuöt biic yiic abïï läi roor ke cuet. Kɔc cï thiaan në kur nïïm ku në kök ke kur yiic abïk thou në jɔɔk.

Edhekiɛl 33:27 ပူးပေါင်းရင်းမြစ်များ

Yith 2:19

Kɔc abïk mol në pɔ̈liic piny, ku lɔ kɔ̈k thiaan në kɔ̈k ke kuriic, themkï bïk röt kual në agönh ë Bɛ̈nydït, ku riɛldïïtde ku dhuëëŋ, të le Yen Bɛ̈n bïï piny bɛ̈n lath.

Jeremia 41:9

Ku yïnh ë cuɛt Yicmiɛl kɔc cï ke nɔ̈k thïn, aaye yinh dït, yinh wään wec ë melik Atha, wään cïï Baaca melik de Yithriɛl ye mak. Yicmiɛl acï yith bɛ̈n thiɔ̈ɔ̈ŋ ë kɔc cï thou.

Jeremia 42:22

Ka ënɔɔnë jakï kënë aa tak: Wek bï thou tɔŋ ku nɔn ee cɔk ku nɔn ee jɔk në piny kaarkï bä wek lɔ rëër thïnë.”

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 33:24

“Mɛnh ë raan, aye kɔc rɛ̈ɛ̈r në pɛ̈ɛ̈ny cï riɔ̈ɔ̈k nu piny de Yithriɛl lueel an: Abraɣam aaye raan tök, ku acï bɛ̈n gäm piny ëbɛ̈n. Ku ënɔɔnë wok cï dɛ kɔc juëc, ka ënɔɔnë piny ee këda.

Edhekiɛl 39:4

Gok kekë remdɛn ë tɔŋ ku kɔc mät në yen ëtök, abïk löny kedhie thoukï në kur ke Yithriɛl nïïm, ku yɛn bï gupken tɔ ye këcam ke diɛt ku läi roor ëbɛ̈n.

Dhep 1:2

Acïï Bɛ̈nydït lueel an, “Këriëëc ëbɛ̈n abä riɔ̈ɔ̈k në pinynɔm,

Bäny 6:2

Në luɔi ë ril kɔc ke Midian awär Yithriɛl, go kɔc ke Yithriɛl lɔ thiaan në kɔ̈k ke kur yiic ku ɣään kɔ̈k piɛth ë kuriic.

1 Tham 13:6

Na wën ke ke mɛk kɔc ke Yithriɛl, agokï keek tɔ mum nïïm. Go kɔc kɔ̈k ke Yithriɛl lɔ thiaan ë kur thäär, ku pɔ̈l yiic, ku yïth yiic,

1 Tham 22:1

Go Debid jäl wun ë Gath ku le thiaan në kökic, köŋ thiääk kekë wun de Adulam. Na wën aacï mïthëkɔcken ku kɔc paanden ye piŋ nɔn nu yen ëtɛ̈ɛ̈n, gokï biɔɔth cök ku mɛ̈tkï röt yen.

1 Tham 23:14

Go Debid jɔ tɔ̈u ke thiaan piny ë kuur thiääk ke jɔ̈ɔ̈r de Dhip. Aaye Thaulo them aköölnyïïn luɔi bï yen Debid yök, ku Nhialic akën Debid bɛ̈n tääu në yecin.

1 Tham 24:3

Go bɛ̈n ë köŋ thiääk kekë kal de thök thok, të lɔ kueer këc, go rɔt yal bï lɔ biic. Ku yen ee kuur manë guöp yen aacï Debid thiaan ë yethar ciëën ya, kekë kɔcke në kökic.