Edhekiɛl 33:12 - JAM DE NHIALIC 2011

¹² ‘Ënɔɔnë, mɛnh ë raan lɛ̈kë kɔc ke Yithriɛl, an piathëpiɔ̈u de raan ee kapiɛth looi acïï yen bï kony të cï yen wäc. Na cï raan ee karɛc looi luɔidɛn de awɛ̈ɛ̈c pɔ̈l, acïï bï bɛ luöi këtuc, ku piathëpiɔ̈u de raan ee kapiɛth looi acïï yen bï kony wëi të cï yen wäc.

Edhekiɛl 33:12 ပူးပေါင်းရင်းမြစ်များ

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Jeremia 18:10

ku na lɔ ee jurë ya kɛ̈n riëëu ku looi kërac, Yɛn cïï kë cä lueel an luɔi bï looi.

Jeremia 18:8

ku na cï ee jurë rɔt puk në karɛcke yiic, Yɛn cïï kë cä lueel an luɔi bï looi.

Edhekiɛl 18:21

“Na cï raan ee karɛc looi luɔi de karɛc pɔ̈l ku muk lööŋkï, na looi këpiɛth ku ee yic, acïï bï thou, abï dhil pïïr ë yic.

Edhekiɛl 3:18

Na luɛɛl en an raan ee karɛc looi abï thou, ku kɛ̈në jɔ̈ɔ̈ny ke bï pïïrdɛn de luɔi de karɛc waar, ke bï wëike kony, abï thou ke ŋoot ke de guöp awɛ̈ɛ̈c, ku yɛn bï gääk de thonde tääu në yïyeth.

Edhekiɛl 33:2

“Mɛnh ë raan, lɛ̈kë kɔcku kën ee tuöl të bɛ̈ɛ̈i tɔŋ ë piny yic. Kɔc ke ee pinyë ayek raan töŋ ë kɔcken kuany ke ye tïït.

Edhekiɛl 33:20

Ku baai de Yithriɛl, ayak lueel an kë ya looi acie yic. Yɛn bï löŋdun lɔ guiir në kë yak looi.”

Romai 3:25

raan cïï Nhialic tääu ë kɔc nïïm an, bï aa kë bï Nhialic luk, në gäm bï kɔc riɛmde gam. Kënë ee nyuöth nyooth en piath ë yenpiɔ̈u, ɣɔn pɛ̈l en karɛc cï looi thɛɛr, në liɛɛr ë yenpiɔ̈u,

1 Jɔn 2:1

Wek mïthkiën thiikë, kakë a gäär ke week, ke we cïï kërac bï aa looi. Ku na de raan loi kërac, ke wo de Raan ë këda kuɔny ë guiëër ë Wääda nɔm, yen aye Yecu Kërtho raan piɛthpiɔ̈u.