Edhekiɛl 33:11 - JAM DE NHIALIC 2011

¹¹ Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 33:11 ပူးပေါင်းရင်းမြစ်များ

2 Tham 14:14

Wok bï thou wodhie, wok cït pïïu cï lɔ wei, pïïu cïï duëërë bɛ määt yiic. Ayï Nhialic acïï kɔc cï thou ee bɛ tɔ pïïr, ku melik aduëër kueer bïï yen raan cï kat tɔ puk yenɔm wut.

Jop 37:23

Awärjäŋ aril, ka wok cïï bï bɛ̈n ë Yelɔ̈ɔ̈m, Yen ade nɔm riɛldït ku yic, Ku acïï piathëpiɔ̈nde duëër kɔn pɔ̈l.

Diɛt 51:15

Bɛ̈nydït, liep a thok, ke thoŋdï abï lɛcdu nyuɔɔth,

Kɛ̈ŋ 1:23

Piɛŋkï nɛɛn nɛn ɛn week apiɛth, ee jam piɛth yen lɛ̈k week, ku wek gäm kë ŋiɛc.

Kɛ̈ŋ 8:36

Raan ëbɛ̈n raan kën ɛn kɔɔr abï rɔt yiëk buɔ̈t yetök, raan man ɛn, ka ee thuɔɔu yen ë nhiɛɛr.”

Yith 21:12

Guɔ bɛ̈ɛ̈r an, “Piny abï ruu ku abï wakɔ̈u abï bɛ bɛ̈n. Na kɔɔr bä bɛ lop, bä ciëën bä bɛ̈n lop.”

Yith 49:18

Caathë yïnyin ku tïŋ kë loi rɔt! Kɔcku amɛ̈ɛ̈tkï röt ke ke bɔ̈ ciëën pinyden! Ke ya ye Nhialic pïïr ë yic, yïn bï rɔt lɛɛc në kɔcku, cït man ye nyan kaman rɔt lɛɛc në atekkɛn ceŋ keek.

Jeremia 22:24

Go Bɛ̈nydït lɛ̈k melik Jekonia, wën de Jeɣoyakim melik de Juda an, “Yɛn cï kuëëŋ Yɛn Nhialic Pïïr, cakaa Yïn ë ye jonh ë Yɛn ciin, yïn duëër bɛ̈ɛ̈i bei,

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 44:7

“Aguɔ jɔ lueel, Yɛn Bɛ̈nydït Nhialic de Yithriɛl, an, eeŋö ja wek röt luöi kërɛɛc cït ee kënë wapäc. Kaarkï bäk riääk yiɛ̈n röör ku diäär, ku mïth kor, ku mïth ë piacë dhiëëth, ago ciɛ̈n raanduön bï döŋ ë Juda?

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 46:18

Yɛn Bɛ̈nydït de rɛm, Yɛn ee melik. Yɛn ee Nhialic Pïïr. Cït man bɛ̈ɛ̈r ë kuur ë Tabor ë kur nïïm, ku kääc kuur ë Karmel ke bäär ë wɛ̈ɛ̈r yɔu, yen abï ciët riɛl de raan bï we mak.

Dhiëëu 3:33

Acïï piɔ̈u ee miɛt të cï En wo yiɛ̈n jiɛthëpiɔ̈u kekë arɛɛm.

Edhekiɛl 14:6

“Ënɔɔnë, lɛ̈kë baai de Yithriɛl, kë luɛɛl yɛn Bɛ̈nydït Awärjäŋ: pɔ̈kkï we piɔ̈ɔ̈th ku pälkï yiëth rackun.

Edhekiɛl 16:48

“Në yic, ke ya ye Nhialic pïïr,” aye Bɛ̈nydït Awärjäŋ lueel an, “Nyankui Thɔdom kekë wuötkɛn kor akënkï karɛc cït ka cäk looi wekë wuötkun kɔn looi.

Edhekiɛl 18:23

Go Bɛ̈nydït Awärjäŋ thiëc an, “Ye tak ya piɔ̈u miɛt të tiëŋ ɛn raan ee karɛc looi ke thou? Ei, aya kɔɔr bä tïŋ ke puk yepiɔ̈u ku bï pïïr.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Danyel 9:13

ago wook tɔ luiyë këtuc wään cï lueel ë löŋ de Mothe yic ëbɛ̈n. Ku na cakaa ënɔɔnë, Bɛ̈nydït Nhialicda, akënku them buk yïn tɔ mit piɔ̈u në päl pɛ̈l wok karɛckuɔ ku kuɛnyku yithku cök.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Kuɛ̈n 14:21

Ku ë yic, cït man täu Ɛn në ee pinyë nɔm, ku cït man bï kɔc ke piny nɔm thiäŋ në dhuëëŋdï kedhie,

Kuɛ̈n 14:28

Ka week lɛ̈kkï keek an, “Acïï Bɛ̈nydït lueel an, ‘Yɛn ë kuëëŋ në rëërdï yic ëbɛ̈n nɔn bän ke cäk lueel ke piɛŋ looi cït man ë kë kaarkï. Ee yɛn aa luel ee kënë yɛn Bɛ̈nydït.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Romai 14:11

Cït man cï ë gɔ̈ɔ̈r an, “Alueel Bɛ̈nydït an, Tën aa yɛn Nhialic pïïr, ke miɔɔl kedhie abï ke tuk ë Yanɔm. Ku liëp kedhie abïk awɛ̈ɛ̈c gam ë Nhialic nɔm.”

1 Tim 2:4

Raan de piɔ̈u luɔi bïï kɔc kony wëi kedhie, ku yökkï ŋïny de yic.

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.