Edhekiɛl 32:7 - JAM DE NHIALIC 2011

⁷ Të lan yïn lɔ riɔ̈ɔ̈k, Yɛn bï tënhial kum ku cuɔth kuɛl. Akɔ̈l abï thiaan në luäät kɔ̈ɔ̈th, ku pɛɛi acïï piny bï meer.

Edhekiɛl 32:7 ပူးပေါင်းရင်းမြစ်များ

Jop 9:7

Aduëër akɔ̈l pɛ̈n bɛ̈n ë thok ku cïï kuɛl tɔ ruel.

Kɛ̈ŋ 13:9

Pïïr de raan piɛth piɔ̈u acït ɣɛɛr ee piny meer, ku kɔc ee karɛc looi ayek lɔ dum piny cït many cï nɔ̈k.

Wɛ̈ɛ̈t 12:2

Ee akööl bï ɣɛɛr de akɔ̈l, ku pɛɛi ku kuɛl lɔ durdur, ku jɔ luäät rëër cït luän ë deŋ ariël cie jäl.

Yith 13:10

Kuel ke paannhial ëbɛ̈n ku kuut ke kuɛl acïkï bï riau, ku akɔ̈l abï cuɔl të bïï yen thok, ku pɛɛi acï bï ruɛl.

Yith 34:4

Akɔ̈l ku pɛɛi ku kuɛl abïk kuɛɛm abïk röt looi ke ke ye abuui. Tënhial abï määr abï ciët biöŋ cï dolic, ku löny kuɛl cï yïth ke tiim ke ŋaap ku nɔn ee enap.

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Edhekiɛl 30:18

Mɔ̈ɔ̈th abï lööny ë Tapaneɣeth kɔ̈u, të le Yɛn riɛl de Rip dhoŋ kɔ̈u, ku ja riɛldɛn wään ye kek kenïïm lɛc tɔ thök. Luät abï Rip kuöm piny, ku kɔc ke pɛ̈ɛ̈nydïtke kedhie abï ke peec ke ke mac.

Edhekiɛl 30:3

Kööl acï thiɔ̈k, kööl bïï Bɛ̈nydït këde piɔ̈nde looi, Kööl de luät ku nuan de juöör.

Edhekiɛl 31:15

Kë ye Bɛ̈nydït Awärjäŋ lueel kï: “Në kööl bïï ë tim lɔ paan ë thuɔɔu, abä tɔ kumë piny në pïïu tɔ̈u piny ke ye kïn de dhiëëu. Yɛn bï pïïu ke kiɛɛr tɔ kääc, ku pɛ̈n nyïïn luɔi bïï kek thiɔɔr. Në biäk cïï tim thou, Yɛn bï mɔ̈ɔ̈th bɛ̈ɛ̈i në kur ke Lebanɔn nïïm ku ja tiim ke roor tɔ biɔɔr ëbɛ̈n.

Edhekiɛl 34:12

cït man ye tïn de thök amɛ̈l ŋiëc muk të cï kek thiäi, aye ke bɛ lɔ määt yiic. Abä ke lɔ pɔ̈k nïïm ciëën në ɣään wään cï kek thiɛ̈i thïn në kööl ɣɔn de mɔ̈ɔ̈th ë riääk.

Jowɛl 2:10

Piny ee rɔt nieeŋ në kenïïm tueŋ, ku lɛthë tënhial. Akɔ̈l kekë pɛɛi acïk cuɔl, ku kuɛl acïkï be riau.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:15

Akɔ̈l kekë pɛɛi acïk cuɔl, ku kuɛl acïkï be riau.

Amoth 8:9

Ade kööl bɔ̈, kööl bän akɔ̈l tɔ lɔ piny ke ŋoot cil, ku ta piny col aköl. Ee Yɛn Bɛ̈nydït Nhialic Yɛn aa jam.

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Mak 13:24

Ku në aköölkë yiic, të cï këtuc ë kɔc dhal wan, ke akɔ̈l abï cuɔl, ku pɛɛi acïï bï bɛ ɣɛɛr,

Luk 21:25

Ku kagöök abïk tïc ë akɔ̈l nyin, ku pɛɛi nyin, ku kuɛl nyïïn, ku në piny nɔm jiɛthëpiɔ̈u abï nu ë juöör yiic, ku mumënɔm, wɛ̈ɛ̈r abï awuööu de apiöök amaŋ thïn.

Nyuuth 8:12

Na wën, ke tunynhial ee kek ŋuan koth kaaŋde, ku jɔ baŋ töŋ de akɔ̈l yup, baŋ wën ee kek diäk, ku yup baŋ töŋ de pɛɛi, ku baŋ töŋ de kuɛl, baŋ wën ee kek diäk, ago baŋ töŋ ë keek ago cuɔl, baŋ wën ee kek diäk, go piny cuö ɣer aköl ë baŋ töŋ de baŋ wën ee kek diäk, ayï wakɔ̈u ayadäŋ.