Edhekiɛl 32:25 - JAM DE NHIALIC 2011

²⁵ Eelam adhɔt piny në kɛm ke kɔc cï nɔ̈k ë tɔŋic, ku rɛ̈ŋ ke remdɛn ë tɔŋ acïk yen gɛɛu cil. Akënë ke cueel kedhie, aake ke näk keek ë tɔŋic kedhie. Wään pïïr kek aake ye kɔc riääc, ku ënɔɔnë acïk guɔ dhɔt piny ke ke cï thou ku cïk gup yäär, ku rɔmkï riääk de kɔc cï nɔ̈k ë tɔŋic.

Edhekiɛl 32:25 ပူးပေါင်းရင်းမြစ်များ

2 Tham 1:20

Duökï cɛɛl ë Gath, ku du tɔ cɛɛlë në kuɛɛr ke Acekelon yiic. Duökï diäär ke Pilithiin tɔ mit piɔ̈ɔ̈th, ku duökï duet ke kɔc kuc Nhialic tɔ dɔl.

1 Lëk 10:4

Go dhuŋ ee kakɛn ë tɔŋ muk yɔ̈ɔ̈k an, “Bɛ̈ɛ̈iyë abätäudu bei, ku näk ɛn, ke ya cïï Pilithiin bï nɔ̈k ke ke leeŋ ɛn. Go dhuŋ ee kakɛn ë tɔŋ riɔ̈ɔ̈c bï nɔ̈k. Go Thaulo abätäude nööm ku deeny rɔt ë yethok.

Diɛt 139:8

Të la yɛn paannhial ke Yïn bä lɔ yök ëtɛ̈ɛ̈n, ku na la lɔ paan ë thuɔɔu yïn nu ëtɛ̈ɛ̈n.

Edhekiɛl 32:19

lɛ̈kë keek: “Yak tak ee wek läk awär kɔc kɔ̈k? Wek bï lɔ ë piny paan ë thuɔɔu, ku jɔ dhɔt piny ëtɛ̈ɛ̈n në kɔc cïn nïïm yiëth ëtök.

Edhekiɛl 32:21

Kɔc ril, ku kɔc wään thäär në biäk de Rip, acïk kɔc ke Rip loor nïïm paan ë thuɔɔu. Ayek cööt në röl dït: “An kɔc wään cïn yiëth cï nɔ̈k në tɔŋic, acïk bɛ̈n piny eenë paan ë thuɔɔu, ku kek kï eenë!

Edhekiɛl 32:24

Eelam atɔ̈u ëtɛ̈ɛ̈n, kekë rɛ̈ŋ ke remdɛn ë tɔŋ ë yelɔ̈ɔ̈m. Aake näk keek kedhie ë tɔŋic, acïk le piny ke ke kë ë cueel paan ë thuɔɔu. Wään pïïr kek aake ye kɔc riääc, ku ënɔɔnë acïk guɔ dhɔt piny ke ke cï thou ku cïk gup yäär.

Edhekiɛl 44:7

Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Edhekiɛl 44:9

“Yɛn Bɛ̈nydït Awärjäŋ, yɛn aa lueel en, an acïn alen kënë cueel, ku cin raan cïï yɛn ee riëëu bï lɔ tëdiën ɣeric, na cakaa alen rɛ̈ɛ̈r në kɔc ke Yithriɛl yiic.”

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Nyuuth 2:22

Tïŋ, abä cuat në agen nɔm, yen kekë röör ë tɔ̈u në yen ëtök, bï këtuc ke dhal aläl, të reec kek kepiɔ̈ɔ̈th puk në luɔidɛn yek looi.