Edhekiɛl 32:24 - JAM DE NHIALIC 2011

²⁴ Eelam atɔ̈u ëtɛ̈ɛ̈n, kekë rɛ̈ŋ ke remdɛn ë tɔŋ ë yelɔ̈ɔ̈m. Aake näk keek kedhie ë tɔŋic, acïk le piny ke ke kë ë cueel paan ë thuɔɔu. Wään pïïr kek aake ye kɔc riääc, ku ënɔɔnë acïk guɔ dhɔt piny ke ke cï thou ku cïk gup yäär.

Edhekiɛl 32:24 ပူးပေါင်းရင်းမြစ်များ

Cäk 10:22

Mïth ke Cem ee yï Elam kekë Acuur ku Arapakad, ku Lud, ku Aram.

Cäk 14:1

Meliik kaŋuan, yï Amrapel melik de Babilonia, ku Ariok melik de Elathar, ku Kedoloma melik de Eelam, ku Tidal melik de Goyim aake

1 Lëk 1:17

Wɛ̈ɛ̈t ke Cem ee, Elam, Acuur, Arapakad, Lud, Aram. Udh, Ɣul, Gether, ku Mecek, kuɛɛrëdɛn ë ye keek cäk ee rinkë.

Jop 28:13

Acïn raan ŋic piathde, ku acïï duëërë yök tëde kɔc cieŋ piny nɔm.

Diɛt 142:5

Bɛ̈nydït, yɛn dhiëëu kuɔɔny tëde yïn, Bɛ̈nydït ee yïn ee ya gël, ee yïn akaar në pïïrdï yic.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 38:11

Aa ya cät an në ee piny de kɔc pïïrë yɛn cïï Bɛ̈nydït bï bɛ tïŋ nyin ku nɔn ee raan däŋ pïïr.

Jeremia 11:19

Yɛn aa cït nyɔɔŋ amääl le nɔ̈k biic, ku aa cä ŋic nɔn yen yɛn ë luiyë ee kiɛɛr rɛɛcë. Aa yek lueel an, “Yepku tim piny të ŋoot en ke tiɔp, lok nɛ̈kku ke cïn raan bï yen bɛ tak taitai.”

Edhekiɛl 16:52

Ku ënɔɔnë yïn bï ayärdu dhil guum. Karɛcku arackï awär karɛc ke nyïïrëkɔckun, ka ayek tïc ke ke cïn gup gääk awär yïn. Ënɔɔnë jɔ nyin riɔ̈ɔ̈c ku gum ayärdu, në biäk ee nyankui tɔ tiëc ke piɛthpiɔ̈u.”

Edhekiɛl 16:54

Yïn bï guöp yäär, ku ayärdu abï nyïïrëkɔckun nyuɔɔth nɔn piɛth kek awär yïn.

Edhekiɛl 26:20

Wek bä ke tuɔɔc piny paan ë thuɔɔu, bäk röt lɔ mat në kɔc cï kɔn pïïr ɣɔn thɛɛr. Wek bä tɔ rɛ̈ɛ̈r në piny thar të de ka cï riääk thɛɛr, ku jakï rëër në kɔc cï thouwiic. Kë tɔ̈u yïn cïï bï bɛ cieŋ, ku jɔ tëdu nööm në piny de kɔc pïïr yiic.

Edhekiɛl 31:14

Ku gɔl ënɔɔnë lee tueŋ, acïn tim bï bɛ dït ke bäär ke lɔ nhial cï yen, ku jiëp yenɔm nhial ë luäät yiic, cakaa yen ë ye piɔɔk. Keek kedhie abïk ŋoot ke ke thou cït mɛnh ë raan, abïk lɔ piny cï kɔc ee lɔ paan ë thuɔɔu.”

Edhekiɛl 31:18

“Tim ee melik de Rip kekë kɔcke kedhie. Acakaa tiim ke Eden acïn tim bɛ̈ɛ̈r lɛ̈k ee kɔc diir ë nu. Ku ënɔɔnë, cï tiim ke Eden abïk lɔ ë piny thar paan ë thuɔɔu, ku mɛ̈tkï në kɔc cïï Nhialic ŋic ku kɔc ë näk në tɔɔŋ yiic. Yɛn cï jam, Yɛn Bɛ̈nydït Awärjäŋ.

Edhekiɛl 32:18

“Mɛnh ë raan, dhiëëuwë kɔc juëc ke Rip. Tuɔɔcë keek ë piny kekë juöör ril kɔ̈k paan ë thuɔɔu.

Edhekiɛl 32:19

lɛ̈kë keek: “Yak tak ee wek läk awär kɔc kɔ̈k? Wek bï lɔ ë piny paan ë thuɔɔu, ku jɔ dhɔt piny ëtɛ̈ɛ̈n në kɔc cïn nïïm yiëth ëtök.

Edhekiɛl 32:21

Kɔc ril, ku kɔc wään thäär në biäk de Rip, acïk kɔc ke Rip loor nïïm paan ë thuɔɔu. Ayek cööt në röl dït: “An kɔc wään cïn yiëth cï nɔ̈k në tɔŋic, acïk bɛ̈n piny eenë paan ë thuɔɔu, ku kek kï eenë!

Edhekiɛl 32:25

Eelam adhɔt piny në kɛm ke kɔc cï nɔ̈k ë tɔŋic, ku rɛ̈ŋ ke remdɛn ë tɔŋ acïk yen gɛɛu cil. Akënë ke cueel kedhie, aake ke näk keek ë tɔŋic kedhie. Wään pïïr kek aake ye kɔc riääc, ku ënɔɔnë acïk guɔ dhɔt piny ke ke cï thou ku cïk gup yäär, ku rɔmkï riääk de kɔc cï nɔ̈k ë tɔŋic.

Edhekiɛl 32:30

“Wɛ̈ɛ̈t meliik ke piny të lɔ rut ka ëtɛ̈ɛ̈n kedhie, ayï kɔc ke Thidon. Riɛlden aacï kɔc kɔn riääc wään, ku ënɔɔnë acïk guɔ le piny ke ke cï gup yäär, në kɔc wään näk ë tɔŋic, ku acï ke tɔ lɔ̈ŋ, ke ke kënë cueel. Arɔmkï ayäär në kɔc wään cï lɔ piny paan ë thuɔɔu.

Edhekiɛl 34:29

Abä ke gäm duum ee ŋiëc luɔk, ku ta cɔk kääc ë piny yic. Acïï juöör kɔ̈k keek bï bɛ aa dhɔ̈l gup

Edhekiɛl 36:15

Piny acïï bï bɛ ŋoot ke piŋ ka lueel juöör dɔl kek yeguöp ku nɔn buikï guöp. Piny acïï bï bɛ ŋoot ke rum jur në mïthke. Acä lueel, Yɛn Bɛ̈nydït Awärjäŋ.”

Edhekiɛl 39:26

Të bï kek bɛ lɔ rëër në mätic pinyden, ke cïn raan riëëc keek, abïk nïïm bɛ määr në ayär wään cï kek gup yäär në luɔi cï kek A nyiɛɛn.

Edhekiɛl 44:13

Acïkï yɛn bï luööi ke ke ye bäny ke kake Nhialic, ku cïkï lɔ tëthiääk kekë kaɣer yiic tëde Yɛn, ku cïkï lɔ Tëɣeric aläl. Kënë ee këtuc cï luöi keek, në biäk de karɛc cïk looi.

Danyel 8:2

Në nyuuth yic yɛn cï rɔt yök ëthiäu ke ya rɛ̈ɛ̈r në Thutha pänydïït cï geeu nu wundït de Eelam. Yɛn aa kääc ë kiir de Yulai nɔm,

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Math 11:23

Ku yïn, Kapernaum, yïn cï jat nhial aɣeet yïn paannhial, ku yïn bï bɛ̈ɛ̈i piny aɣeet yïn paan ë thuɔɔu, tëë cï luɔi ril looi ë Thɔdom cït man cï ke looi ë yïyic, adï cï tɔ̈u aɣet cï ënɔɔnë.