Edhekiɛl 30:9 - JAM DE NHIALIC 2011

⁹ “Të le ee köölë bɛ̈n ku cï Rip riɔ̈ɔ̈k, ke Yɛn bï tuuckï tooc në abëël wïïr bïk kɔc ke Ethiopia cie diɛɛr lɔ jat nhial, ku abïk riɔ̈ɔ̈c arëët. Yen ee köölë abɔ̈!

Edhekiɛl 30:9 ပူးပေါင်းရင်းမြစ်များ

Yith 19:17

Kɔc ke Rip abïk riɔ̈ɔ̈c në Juda të lee ë keek täk nïïm në kööl cïï Bɛ̈nydït de rɛm riäŋden guiir.

Yith 20:3

Na wën, aacï Acedɔd peec, go Bɛ̈nydït lueel an, “Raan ee ya luöi cɔl Yithaya aaye cath ke cïn kɔ̈u lupɔɔ ku cïn war në run kadiäk. Kënë ee kïn de ke bï tuöl në Rip ku Ethiopia.

Yith 20:5

Kɔc cï aŋäthden tääu në Ethiopia guöp, ku leckï kenïïm në biäk de Rip, abïk gup riɔ̈ɔ̈c ku jäl aŋäthden.

Yith 23:5

Acakaa kɔc ke Rip të le kek thoŋ de Tayer piŋ, abï dɛ dhiënë piɔ̈u dït arëët.

Yith 47:8

“Piɛŋkï kënë, we kɔc nhiaar miɛt ë piɔ̈u, ayak tak nɔn cïï ë we kony ku luök we. Ayak lueel nɔn cä wek dït cït Nhialic, ku nɔn cïn en raan däŋ cït week. Aa ye tak nɔn cïï yïn duëër kɔn aa tiiŋ abaar, ku nɔn bä nuan në thon de mïthku.

Jeremia 49:21

Të le Edom lɔ wïïk abï dɛ awuɔɔu dïït agök, ka piny nɔm ëbɛ̈n abïï niɛŋ, ku kiɛɛu de ka lëk kɔc abïï piŋ tëmec cït Wɛ̈ɛ̈r Thith.

Jeremia 49:31

‘Bäkkï! Wo bï jurë bɛ̈n mak, kɔc ee ye lueel an lek läŋ ku tɔ̈ukï ë mätic! Pänydïïtden acïn thok athïïn ku acïnkï gɛ̈ɛ̈rgɛ̈ɛ̈r, ku acïn kë gël en taitai.’

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Edhekiɛl 27:35

“Kɔc rɛ̈ɛ̈r në wɛ̈ɛ̈r yɔu ëbɛ̈n acïk piɔ̈ɔ̈th päu në riääk cï yïn yök. Ayï meliiken acïk riɔ̈ɔ̈c, ka riɔ̈ɔ̈c atiëc në kenyïïn.

Edhekiɛl 33:33

Ku të le wëlkun bɛ̈n ke ke ye yith kedhie, ku abïk aa yith ë yic, ëtɛ̈ɛ̈n abïk jɔ ŋic nɔn cïï ë tiët kɔn tɔ̈u në keyiic.”

Edhekiɛl 38:11

Yïn bï piny cïn riɛl lɔ peec, të rëër ë kɔc në mät ku cïn riɔ̈ɔ̈c, bɛ̈i cïn nïïm kɛ̈l ku cïn thook cï gël.

Edhekiɛl 39:6

Yɛn bï piny de Magɔk ɣaak, ku në Abäpdit yɔu të wën ee kɔc rëër ke cïn ke nuan keek, ku abïï raan ëbɛ̈n jɔ ŋic nɔn ee Yɛn Bɛ̈nydït.

Amoth 4:2

Bɛ̈nydït Awärjäŋ ë kuëëŋ në ɣɛɛr ë yicde, ku lueel an, “Akööl abïkï, akööl bïï ë week thɛ̈l bei, ka wek bï ciët rec nu në alɔbithɔɔ thook.

Ɣabakuk 2:3

Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Dhep 2:12

Ku Bɛ̈nydït aya abï kɔc ke Ethiopia nɔ̈k.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

1 Theth 5:2

Wegup aŋiɛckï ëgɔk nɔn bï aköl ë Bɛ̈nydït bɛ̈n cït man ee cuɛ̈ɛ̈r bɛ̈n wakɔ̈u.

Bäny 18:7

Ago röörkë kadhïc jäl, ku lekkï Laic, gokï kɔc rɛ̈ɛ̈r ëtɛ̈ɛ̈n tïŋ ke ke rɛ̈ɛ̈r ë lik, cï kɔc ke Thidon. Acïn kë diir keek ku lek yum. Në luɔi ye pinyden ŋiëc luɔk, acïk kuɛth. Ku keek ayadäŋ arëërkï tëmec ë kɔc ke Thidon, ku cïn wuöt kɔ̈k de kek nïïm amat.