Edhekiɛl 30:4 - JAM DE NHIALIC 2011

⁴ Abï dɛk tɔŋ ë Rip. Ku diɛɛr dït në Ethiopia. Kɔc juëc abï ke nɔ̈k ë Rip, Baai abï yak yic ku nyiëëŋë piny kë cï riääk.

Edhekiɛl 30:4 ပူးပေါင်းရင်းမြစ်များ

Yith 16:7

Kɔc ke Mowap abïk dhiau në biäk de nuan cï ke yök. Abïk dhiau kedhie të le kek këcam mit ɣɔn yek cam në Kirɣereth tak. Abï keek thɛl ë bäp ë piɔ̈uwic.

Yith 18:1

Amawoou në riääk bï piny de Kuc yök, piny dhɔt pïïu ke kiir ë yekɔ̈u, ku abëël ke waikɛn ë gɛ̈ɛ̈r acï ke wuök pet ke ke kuany kiiric.

Yith 19:2

Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Yith 20:3

Na wën, aacï Acedɔd peec, go Bɛ̈nydït lueel an, “Raan ee ya luöi cɔl Yithaya aaye cath ke cïn kɔ̈u lupɔɔ ku cïn war në run kadiäk. Kënë ee kïn de ke bï tuöl në Rip ku Ethiopia.

Jeremia 46:9

Yɔ̈ɔ̈kë jöŋgöör bïk lɔ thïn, ku abëël ke tɔŋ bïk röt laar tɔŋ! Tuɔɔcë rem ë tɔŋ biic: Kɔc ke Ethiopia ku Libya, aɣɛ̈ɛ̈ckï kööt, ku kɔc ke Ludia amukkï dhɛ̈ŋ.’”

Jeremia 50:15

Mɔckï kiɛɛu de tɔŋ ë pänydït këc ëbɛ̈n! Babilon acï rɔt guɔ gam ë nɔɔnë. Kalde acï thuur kɔ̈u, ku dhoŋë kalde piny. Yɛn guur rɔt ë kɔc ke Babilonia, ka guöörkï röt ë keek, ku luööikï keek cït man cï kek kɔc kɔ̈k luööi.

Edhekiɛl 28:23

Yɛn bï jɔɔk tuöc week ku ta riɛm kuëër në kuɛɛrkun yiic. Yïn bï mak në ɣään kedhie, ku kɔcku abïï keek nɔ̈k. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 29:12

Yɛn bï Rip tɔ ye piny cï pɔ̈l ë pinynɔm. Në run kathiërŋuan yiic pɛ̈ɛ̈nydït ke Rip abïk dhɔt piny ke ke cï riɔ̈ɔ̈k, ë riääk wär riääk de pɛ̈ɛ̈nydït kɔ̈k.” Yɛn bï kɔc ke Rip tɔ kök. Abïk kat ke ke lɔ në juöör kɔ̈k yiic ku rëërkï ë kɔc kɔ̈k yiic.

Edhekiɛl 29:19

Ka ënɔɔnë kë luɛɛl kï yɛn Awärjäŋ Bɛ̈nydït, aluɛɛl an yɛn gëm piny de Rip melik Nebukadnedhar. Abïï rum ku yiɛkic ku jɔt kuɛth de Rip ëbɛ̈n ke ye ariöp de remdɛn ë tɔŋ.

Edhekiɛl 29:8

Ku ënɔɔnë, yɛn Bɛ̈nydït Awärjäŋ alɛ̈k week nɔn bän week yiɛ̈n rem de tɔŋ bï we mak abätɛ̈ɛ̈u, ku abïk kɔckun nɔ̈k ku läikun.

Edhekiɛl 38:5

Kɔc ke Perthia, ku Kuc, ku Libya atɔ̈ukï në keek kedhie, ku adekï kööt ku akuup ke tɔŋ.

Danyel 11:43

Abï wëu ke Rip ke adhääp ku ateek cïï thiaan peec, ayï kakɛn kɔ̈k tuc thook. Abï Libiya ku Ethiopia ke peec.

Dhep 2:12

Ku Bɛ̈nydït aya abï kɔc ke Ethiopia nɔ̈k.