Edhekiɛl 30:16 - JAM DE NHIALIC 2011

¹⁶ Yɛn bï Rip ɣök mac, ku Peluthuim abï tɔ̈u në jiɛthëpiɔ̈uwic. Pɛ̈ɛ̈ny ke Thebeth abïï ke dhuɔŋ piny, ku pänydït abï mol.

Edhekiɛl 30:16 ပူးပေါင်းရင်းမြစ်များ

Jeremia 44:1

Go Bɛ̈nydït jam ke yɛn në biäk de kɔc ke Judai tɔ̈u ë Rip Kedhie, kɔc nu ë pɛ̈ɛ̈nydït ke Migdol, ku Tapaneth, ku Mempeth, ku kɔc nu piny de Pathroth.

Edhekiɛl 28:18

Yïn cï kërac looi, në ɣööc ku ɣɛɛc arëk abï ɣäänkuön ke läm riääk, Aguɔ pänydït ɣök mac ëbɛ̈n ku nyuɔp piny. Kɔc woi yïn kedhie ayek yïn tïŋ ke yï cï tɔ ye ŋeth.

Edhekiɛl 30:13

Aye Bɛ̈nydït Awärjäŋ lueel an, “Yɛn bï yiëth riɔ̈ɔ̈k ku nyaai yiëth alueth në Mempeth. Abï ciën wën melik bï Rip mac, ku yɛn bï kɔc riääc ëbɛ̈n ë Rip.

Edhekiɛl 30:14

Yɛn bï piny de Rip të lɔ wöuwic tɔ cïn yic kɔc, ku ɣök mac pänydïït de Dhowan tɔ̈u të lɔ rut. Yɛn bï pänydïït de Thebeth luöi këtuc.

Edhekiɛl 30:15

Yɛn bï pänydïït de Peluthuim, të cï gël ë Rip tɔ yök agönhdï. Yɛn bï kuɛth de Thebeth riɔ̈ɔ̈k.

Edhekiɛl 30:17

Wɛ̈ɛ̈t dhuök ke pɛ̈ɛ̈nydït ke Ɣeliopolith ku Bubathith abïk thou në tɔŋic, ku kɔc kɔ̈k abï keek peec ke ke mac.

Edhekiɛl 39:6

Yɛn bï piny de Magɔk ɣaak, ku në Abäpdit yɔu të wën ee kɔc rëër ke cïn ke nuan keek, ku abïï raan ëbɛ̈n jɔ ŋic nɔn ee Yɛn Bɛ̈nydït.

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.