Edhekiɛl 3:3 - JAM DE NHIALIC 2011

³ Go lueel an, “Mɛnh ë raan cam biöŋ cä gäm yïn, thiäŋ yï yäc në yen.” Guɔ cam, ku yɔ̈k ke mit cït miök de kiëc.

Edhekiɛl 3:3 ပူးပေါင်းရင်းမြစ်များ

Jop 23:12

Yɛn kën jäl në lööŋke yiic, ee këde piɔ̈nde yen aya kuanyic, ke cie kë kɔɔr ë piɔ̈ndï.

Diɛt 119:103

Të thiëëpë wëëtdu amit aläl amit awär miök de kiëc në yathok!

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 119:97

Yɛn nhiaar löŋdu arëët! Aya cool ë tak en en yic aköölnyïïn ëbɛ̈n.

Diɛt 19:10

Anhiaar keek awär adhäm awai, amitkï awär miök de kiëc cï leec.

Diɛt 19:11

Ayek ɛn tɔ ŋic käŋ, yɛn awundu, yɛn ye thieei në biäk cän keek döt.

Jeremia 15:16

Yïn cï jam we yɛn guɔ wëlku piŋ kedhie. Yɛn ee këdu Bɛ̈nydït Awärjäŋ, ka wëlku ayek ya thiɔ̈ɔ̈ŋ piɔ̈u në miɛtëpiɔ̈u ku dhuëëŋ.

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Edhekiɛl 2:10

Go ciin biöök petic, guɔ kë cï gɔ̈ɔ̈r tïŋ në biäk kedhie, dhiëëu, ku dhuöör ku amawoou acï ke gɔ̈ɔ̈r ëtɛ̈ɛ̈n.

Edhekiɛl 2:8

“Yïn mɛnh ë raan, piŋ kë lɛ̈k yïn. Du ya reec cït man ë kek. Liep yïthok ku cam kë bä gäm yïn.”

Edhekiɛl 3:4

Go Bɛ̈nydït ya yɔ̈ɔ̈k an, “Mɛnh ë raan lɔ tëde baai de Yithriɛl ku lɛ̈kë keek këriëëc cä lɛ̈k yïn ëbɛ̈n.

Jɔn 7:38

Raan gam ɛn, acït man cï këcïgɔ̈ɔ̈r e lueel, an, kiɛɛr ke pïïu ke pïïr abïk aa kuëër bei ë yeyic.”

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.